నేటి గద్దర్ వాజేడు
ములుగు జిల్లా వాజేడు మండల కేంద్రం జిల్లా పరిషత్ ఉన్నత పాఠశాలలో దుర్గం మల్లయ్య వెల్ఫేర్ సొసైటీ వ్యవస్థాపకులు, రిటైర్డు గెజిటెడ్ ప్రధానోపాధ్యాయులు దుర్గం సూరయ్య ఆధ్వర్యంలో పాఠశాల విద్యార్థినీ,విద్యార్థులకు ఆంగ్ల భాష అభివృద్ధికి ఉపయుక్తమగు ఏడు వేల ఐదు వందల రూపాయల విలువ చేయు ఆంగ్ల నోటు పుస్తకాలు, ఆంగ్ల వ్యాకరణ పుస్తకాలు వితరణ చేశారు.
ఆంగ్ల ఉపాధ్యాయుడు చల్లగురుగుల మల్లయ్య అభ్యర్థన మేరకు జిల్లా కేంద్రానికి సుదూరంగా ఉన్న వాజేడు నాగారం ఉన్నత పాఠశాల లో చదివే 155 మంది విద్యార్థుల విద్యాభివృద్ధిని కాంక్షించి పుస్తకాలను నోటు పుస్తకాలను వితరణ చేసారు.ఈ సందర్భంగా పాఠశాల ప్రధానోపాధ్యాయులు సోయం ఆనందరావు మాట్లాడుతూ దుర్గం సూరయ్య సార్ రిటైర్ అయినప్పటికీ విద్యార్థుల అవసరాలను దృష్టిలో ఉంచుకుని నిస్వార్థంగా సామాజిక సేవ చేయడం గొప్ప విషయమని అన్నారు. మండల విద్యాధికారి టి.వెంకటేశ్వర రావు మాట్లాడుతూ,మారుమూల గిరిజన ప్రాంతమైన పాఠశాల విద్యార్థుల కోసం వ్యయ ప్రయాసలకు ఓర్చి విద్యార్థులకు ఆంగ్ల భాషాభివృద్ది కోసం ఇలాంటి కార్యక్రమాలు చేయడం అభినందనీయం వారి సేవలు మాకు స్ఫూర్తి దాయకమని అన్నారు.ఈ కార్యక్రమంలో పాఠశాల ఉపాధ్యాయులు పోరిక స్వరూప్ సింగ్,వెంకట రమణ,కుమార్ బాబు,కంచు ప్రభాకర్,రాజ్యలక్ష్మి,రాజేష్ షిండే,కోకిల శ్రీరంగం తదితరులు పాల్గొన్నారు.
