పోడు భూముల అర్హతలను ప్రజా ప్రతినిధులతో చర్చించి గుర్తించండి: మంత్రులు కొండా సురేఖ, ధనసరి సీతక్క

సిల్వర్ రాజేష్ నేటి గదర్ న్యూస్ ప్రతినిధి మెదక్ జిల్లా
ఆగస్ట్-17-2024.

పోడు రైతుల ప్రయోజనాలు దెబ్బతినకుండా వారి ఉపాధికి భంగం కలగకుండా అటవీశాఖ మార్గదర్శకాలను అనుసరిస్తూ పోడు భూముల రక్షణకు కృషి చేయాలని అటవీ పర్యావరణ గ్రామీణాభివృద్ధి శాఖాల మంత్రులు కొండా సురేఖధనసరి సీతక్కలు అధికారులను ఆదేశించారు.
శనివారం డాక్టర్ బి.ఆర్ అంబేద్కర్ సచివాలయం నుండి జిల్లాల కలెక్టర్లు అటవీశాఖ అధికారులు ఏజెన్సీ ప్రాంత ప్రజా ప్రతినిధులతో వీడియో కాన్ఫరెన్స్ ద్వారా సమీక్ష సమావేశం నిర్వహించారు.
ఈ సందర్భంగా మంత్రులు మాట్లాడుతూ పోడు భూముల్లో సాగుచేసుకుంటున్న రైతు కుటుంబాలు సున్నితమైన పరిస్థితుల్లో అటవీశాఖ అధికారులకు ఎలాంటి హానీ తలపెట్టవద్దనీ క్రమశిక్షణా చర్యలకు గురికావద్దని మంత్రి సురేఖ సూచించారు.
పోడు భూములను సాగుచేసుకుంటున్న రైతుల హక్కులను కాపాడడంలోనూ అటవీశాఖ భూములను కాపాడే విధులను నిర్వర్తిస్తున్న అటవీ అధికారులకు రక్షణ కల్పించడంలోనూ ప్రభుత్వం ఎంతో సమన్వయంతో ముందుకు సాగుతున్నదని మంత్రులు అన్నారు. ప్రభుత్వ మార్గదర్శకాలను అనుసరించి ఏళ్ళుగా పోడు భూములను సాగుచేసుకుంటున్న రైతు కుటుంబాల విషయంలో ఎలాంటి ఇబ్బంది లేదని వ్యవసాయం పేరుతో మార్గదర్శకాలకు చట్టాలకు విరుద్ధంగా కొత్తగా పోడు భూములను గుర్తించి ఆయా ప్రాంతాల ప్రజా ప్రతినిధులతో చర్చించి చర్యలు తీసుకోవాలని కలెక్టర్లకు సూచించారు.
మెదక్ జిల్లా కలెక్టర్ రాహుల్ రాజ్ కలెక్టర్ కార్యాలయం నుండి వీడియో కాన్ఫరెన్స్ ద్వారా మాట్లాడుతూ
ప్రభుత్వ మార్గదర్శకాల మేరకు పోడు భూముల పరిష్కారానికి కృషి చేస్తామని,
ఈ సందర్భంగా కలెక్టర్ తెలిపారు.

ఈ సమావేశంలో అదనపు కలెక్టర్ రెవెన్యూ వెంకటేశ్వర్లు డిఎఫ్ఓ జోజి గిరిజన సంక్షేమ అధికారి నీలిమ తదితరులు పాల్గొన్నారు.