ఘనంగా డాక్టర్ బాబు జగ్జీవన్ రామ్ 117 వ జయంతి వేడుకలు

★ఘన నివాళి అర్పించిన PACS చైర్మన్ లేళ్ల వెంకటరెడ్డి
నేటి గద్ధర్ న్యూస్, జూలూరుపాడు : స్వతంత్ర సమరయోధుడు, భారత తొలి ఉప ప్రధాని బాబు జగ్జీవన్ రామ్ 117వ జయంతి వేడుకలు మండల కాంగ్రెస్ పార్టీ ఆధ్వర్యంలో జూలూరుపాడు మండల కేంద్రంలో ఘనంగా నిర్వహించారు. బాబు జగ్జీవన్ రావు చిత్రపటానికి జిల్లా కాంగ్రెస్ నాయకులు ,PACS చైర్మన్ లేళ్ల వెంకటరెడ్డి పూలమాల వేసి నివాళులు అర్పించారు. ఈ సందర్భంగా ఆయన మాట్లాడుతూ…సమ సమాజ స్థాపనకై కృషి చేసిన కృషివలుడు, బడుగు బలహీన వర్గాల ఆశాజ్యోతి ఆనాటి సమాజంలో చదువుకు దూరమై దుర్భర జీవితాన్ని గడుపుతున్న పీడిత దళిత దిన జనుల కోసం శ్రమించిన యోధుడు డాక్టర్ బాబు జగ్జీవన్ రావ్ అని కొనియాడారు. ఈ కార్యక్రమంలో కాంగ్రెస్ పార్టీ మండల అధ్యక్షులు మాలోత్ మంగీలాల్ నాయక్ ,వెంగన్నపాలెం MPTC దుద్దుకురి మధుసూదన్ రావు , నర్వనేని పుల్లారావు , మాచినేని సత్యం , ఉద్యమకారుడు వేల్పుల నరసింహారావు , పోతురాజు నాగరాజ్ , ప్రరస్థాపరపు శ్రీను , గుంటగ నరసింహారావు , మోదుగు సుగుణ , మిరియాల కిరణ్ కుమార్, సేవాధల్ మండల కార్యదర్శి మాడుగుల నాగరాజు , మండల నాయకులు,పెద్దలు, తదితరులు పాల్గొన్నారు.