★కుసుమంచి ఉన్నత పాఠశాల ప్రధానోపాధ్యా యులు రాయల వీరస్వామి
నేటి గదర్,జూన్ 11 (పాలేరు నియోజకవర్గ ప్రతినిధి):
కూసుమంచి మండలంలో బడిబాట ముమ్మరంగా కొనసాగుతుంది. మంగళవారం కూసుమంచి ఉన్నత పాఠశాల ప్రధానోపాధ్యా యులు రాయల వీరస్వామి నాయకన్ గూడెం, భగత్ వీడు తండా , రాజుపేట గ్రామాలలో బడిబాట కార్యక్రమం నిర్వహించారు. ఈ సందర్భంగా ఐదో తరగతి పూర్తయిన విద్యార్థులను కూసుమంచి ఉన్నత పాఠశాలలో చేర్పించాలని తల్లిదండ్రులను కోరారు. ప్రభుత్వం పాఠశాలల్లో అమలు చేసే సంక్షేమ పథకాలను సద్వినియోగం చేసుకోవాలన్నారు. ప్రైవేటు కార్పోరేట్ పాఠశాలలకు ధీటుగా నాణ్యమైన విద్యను అందిస్తామన్నారు. ఈ కార్యక్రమంలో ఆయా పాఠశాలల ప్రధానోపా ధ్యాయులు, ఉపాధ్యాయులు ఎస్ డి నూర్జహాన్, అనిత, అనురాధ ,సిఆర్పి వడ్లమూడి వెంకటేశ్వర్లు తదితరులు పాల్గొన్నారు.
