ఆంధ్రాలో దొంగిలించారు …..తెలంగాణ పోలీసులకు చిక్కారు

మిర్చి లారీని దారి మళ్లించిన ఘరానా మోసగాళ్లు…

దారి దోపిడికి గురైన మిర్చి లారీ…

గుంటూరు నుండి పాట్నా వెళ్లాల్సిన మిర్చి లోడ్ లారీ…

ఏలూరు నుండి దొంగతనం చేసి కమలాపురంకు తీసుకొచ్చిన దారి దోపిడీలు…

నేటి గధర్ న్యూస్, ప్రత్యేక ప్రతినిధి మణుగూరు జులై 20:

గుంటూరు నుండి పాట్నా కు వెళ్లాల్సిన మిర్చిలోడు లారీని దారి దోపిడి ఘరానా మోసగాళ్లు భద్రాద్రి కొత్తగూడెం జిల్లా మణుగూరు మున్సిపాలిటీ పరిధిలోని కమలాపురం గ్రామానికి తీసుకు వచ్చారు. అనుమానాస్పదంగా ఉన్న ఈ లారీని చూసిన ఇసుక లారీ డ్రైవర్లు మణుగూరు పోలీస్ సిఐ సతీష్ కుమార్ కు సమాచారం ఇవ్వగా హుటాహుటిన సంఘటన స్థలానికి పోలీస్ సిబ్బందితో సిఐ సతీష్ కుమార్ కమలాపురం గ్రామానికి వెళ్ళి మిర్చి లోడుతో ఉన్న లారీని పోలీస్ స్టేషన్ కి తరలించారు.
దుండగులు మణుగూరు పోలీసుల అదుపులోకి తీసుకొని విచారణ చేస్తున్నట్లుగా మణుగూరు సీఐ ఎస్ సతీష్ కుమార్ తెలిపారు.అసలు డ్రైవర్,క్లీనర్ ఏమైనట్టు అనేది మిస్టరీగా ఉంది.మిర్చి లోడు లారీ యజమాని నిన్ననే గుంటూరు,పెద్దకాకాని పోలీస్ స్టేషన్ లో ఫిర్యాదు చేసినట్లుగా సమాచారం.
మణుగూరు కమలాపురంలో మిర్చి లారీనీ పట్టుకున్న సీఐ సతీష్ కుమార్ ఎస్సై రంజిత్,ప్రకాశం,కృష్ణ,కోనసీమ,భద్రాద్రి, జిల్లాలకు సంబంధించిన నలుగురు వ్యక్తులు అరెస్టు.ఒక కారు తో పాటు మిర్చి లారీని స్వాధీనం చేసుకున్నారు.ఈ నలుగురు ముఠా గా ఏర్పడి మిర్చి లారీని గుంటూరు నుండి ఫాలో అవుతూ ఒంగోలులో మిర్చి డ్రైవర్ ను దింపి మిర్చి లారీని భద్రాద్రి జిల్లా మణుగూరుకు తరలించినట్టుగా సీఐ సతీష్ కుమార్,ఎస్సై రంజిత్ వెల్లడించారు.