రామాయంపేట (నేటి గద్దర్ ప్రతినిధి) నవంబర్ 21:- మెదక్ జిల్లా మాసాయిపేట వద్ద 44వ జాతీయ రహదారిపై ఉన్న షేరి పంజాబీ ఫ్యామిలీ దాబాలో ఎక్సైజ్ ఇన్ఫోర్స్మెంట్ ప్రత్యేక బృందం దాడులు నిర్వహించారు.హెరాయిన్ తయారీకి వాడే 128 గ్రాముల కుక్కి పాపిస్ట్రీ పౌడర్ మత్తు పదార్థాన్ని ప్యాకెట్లను స్వాధీనం చేసుకున్నారు.ఈ సందర్భంగా వారు మాట్లాడుతూ ఇలాంటి మత్తు పదార్థాలు ఎలాంటి లైసెన్స్ లేకుండా ధాబాలలో లారీ డ్రైవర్లకు విక్రయిస్తున్నట్లు తెలిపారు. ధాబాలో పనిచేస్తున్న రవీందర్ సింగ్ ను అదుపులోకి తీసుకొని విచారిస్తున్నట్టు సంగారెడ్డి ఇన్ఫోర్స్మెంట్ సీఐ వీణారెడ్డి,ఎస్సై అనిల్ కుమార్ పేర్కొన్నారు.దాబా సిబ్బందిని అదుపులోకి తీసుకొని కూడా విచారిస్తున్నట్టు తదుపరి చర్యల నిమిత్తం ఎస్ హెచ్ ఓ రామాయంపేటకు తరలిస్తున్నట్లు వారు విలేకర్లకు తెలిపారు.
