★పైరవీలకు ప్రాధాన్యత ఇస్తూ కార్మిక సంక్షేమాన్ని తూట్లు పుడుస్తున్న నాయకులు…
★సింగరేణి క్వార్టర్ లలో విష సర్పాలతో బెంబేలెత్తుతున్న కార్మిక కుటుంబాలు…
★సింగరేణి యాజమాన్యం దృష్టి సారించాలి…TBGKS ఉపాధ్యక్షులు నాగేల్లి వెంకటేశ్వర్లు.
నేటి గదర్ న్యూస్,ప్రత్యేక ప్రతినిధి మణుగూరు జులై 29:
నైనారపు నాగేశ్వరరావు✍️
సింగరేణి ఎన్నికలో గెలిచిన కార్మిక సంఘాల నాయకులు ఓకే టాను ముక్కలుగా వ్యవహరిస్తూ కార్మిక సంక్షేమాన్ని విస్మరిస్తున్నారని ఏరియా TBGKS బ్రాంచి ఉపాధ్యక్షులు నాగెల్లి వెంకటేశ్వర్లు ఆరోపించారు.కార్మిక వాడలతో పాటు గనులు,డిపార్ట్ మెంట్ లలో పారిశుద్యం లోపించి దోమలు విపరీతంగా వృద్ధిచెంది కార్మిక కుటుంబ సభ్యులు రోగాల బారిన పడుతుంటే కార్మిక ఓట్ల ద్వారా గెలిచిన సంఘాలు యాజమాన్యంపై ఏలాంటి ఒత్తిడి తీసుక రాకుండ నామ మాత్రపు ప్రకటనలకే పరిమితం అవుతున్నారని కార్మిక సంక్షేమానికి అరకొర ప్రాధాన్యత ఇచ్చి పైరవీలకు భారీ ప్రాధాన్యతలు ఇస్తున్నారని ఆయన ఆరోపించారు.కాలనీ ఏరియాలో,గనులు,డిపార్ట్ మెంట్ లలో నేటి వరకు ఫాగింగ్ పనులు చేపట్టే అంశంలో శ్రద్ద చూపక పోవడమే అందుకు నిదర్శనం అన్నారు.గెలిచిన కార్మిక సంఘాల నిర్లక్ష్యం వల్లనే క్వార్టర్ లోకి విష సర్పాలు వచ్చి చేరుతున్నాయని నిబంధనల ప్రకారం క్వార్టర్ కౌన్సిలింగ్ లు ఏర్పాటు చేపించాల్సిన భాధ్యత గెలిచిన కార్మిక సంఘాలపై ఉన్నప్పటికీ యాజమాన్యంకు వంత పాడుతూ ఉండడం వల్ల ఖాళీ క్వార్టర్ లలో విష సర్పాలు నివాసాలు ఏర్పాటు చేసుకుంటూ క్వార్టర్ లలోకి వచ్చి చేరుతున్నాయని కార్మిక కుటుంబ సభ్యులు విష పురుగులతో బెంబేలెత్తిపోయి బిక్కు బిక్కు మంటూ జీవనం సాగిస్తున్నారని ఆందోళన వ్యక్తం చేశారు.ఏరియా హాస్పిటల్ నందు ఎలక్ట్రికల్ వైరింగ్,ఎలక్ట్రికల్ పై ఆధారపడి పని చేస్తున్న ఎలక్ట్రికల్ మిషనరీలను దృష్టిలో ఉంచుకొని కార్మిక సంక్షేమం పట్ల భాధ్యత ఉన్న కార్మిక సంఘంగా హాస్పిటల్ కు మూడు షిఫ్ట్ లలో ఎలక్ట్రీషియన్ ను ఆదివారంతో సహా అందుబాటులో ఉంచాలని డివైసియంఓ కు వినతి పత్రాన్ని ఇస్తే కొన్ని కార్మిక సంఘాలు యాజమాన్యంతో కుమ్మక్కై అడ్డుగా నిలవడం వల్లె నేటికి మూడు షిఫ్ట్ లలో ఎలక్ట్రీషియన్ ను నియమించలేదని అయన మండిపడ్డారు.ఏరియా హాస్పిటల్ నందు రోగుల కోసం ఏర్పాటు చేసిన ఏసిలు నిబంధనల ప్రకారం నడపడం లేదని,హాస్పిటల్ కు వచ్చే రోగుల బైక్ షేడ్ నిర్మాణం పెంచడం,బైక్ షేడ్ కు వేసిన రేకులు పూర్తిగా పగిలిపోయి ఉన్నాయని బైక్ షేడ్ దగ్గర ఉన్న ఫ్లోరింగ్ కు పాకురు పట్టి హాస్పటల్ కు వచ్చే వారు జారీ పడుతున్నా సంఘటనలు కో కొల్లలుగా ఉన్నాయని పేర్కొన్నారు.హాస్పటల్ పరిసరాలు పరిశుభ్రంగా ఉంచే విధంగా హాస్పిటల్ యాజమాన్యం చర్యలు చేపట్టాలని యాజమాన్యంకు యాజమాన్యానికి ఎన్నిసార్లు విన్నవించుకున్న నేటి వరకు సమస్యలకు కార్యరూపం దాల్చలేదని కార్మిక సంక్షేమంపై పట్టింపు ఉంటేనే నిర్దేశించిన లక్ష్యాలు చేరువ అవుతాయనే విషయాన్ని యాజమాన్యం గ్రహించాలని అయన అన్నారు.ఇకనైనా సంబంధిత అధికారులు,కార్మిక సమస్యలపై సుధీర్ఘ అనుభవం ఉన్న కార్మిక సంఘాలు సమస్యలపై దృష్టి సారించి పలు సమస్యలను పరిష్కరించాలని అయన కోరారు.
