Flash…Flash…మాయదారి వర్షం.. రైతు ప్రాణం తీసింది

★పిడుగుపాటుకు యువరైతు మృతి
★మరో రైతు గుగులోత్ శ్రీను కు తీవ్ర గాయాలు
ములకలపల్లి.నేటి గద్దర్. (మే 03) మండలంలో శుక్రవారం సాయంత్రం కురిసిన భారీ వర్షం ఓ యువ రైతు ప్రాణం తీసింది. ప్రత్యక్ష సాక్షులు కుటుంబ సభ్యులు తెలిపిన వివరాలు ఇలా ఉన్నాయి.మండల పరిధి పూసుగూడెం గ్రామ పంచాయితీ ఒడ్డురామవరం గ్రామం కి చెందిన రైతు బోడ శివరాం (43 ) తన పొలంలో పండించిన వరి ధాన్యాన్ని పది రోజుల క్రితం కోత గురించి మార్కెట్ యార్డ్ లో ఆరబోశారు. ఈ నేపథ్యంలో శుక్రవారం సాయంత్రం ఉరుములు మెరుపులు భారీ గాలులతో కూడిన వర్షం కురిసింది. ఈ క్రమంలో బోడ శివరాం అనే రైతు పిడుగుపాటుకు గురై అక్కడికక్కడే మృతి చెందాడు. మరో రైతు గుగులోత్ శ్రీను కు తీవ్ర గాయాలుఅవ్వడం తో హుటాహుటీనా పాల్వంచ ఏరియా ఆసుపత్రికి తరలించారు.