విచ్చలవిడిగా బెల్ట్ షాపులు…
★..
★బెల్ట్ షాప్ ల వద్ద తీవ్ర ఘర్షణలు జరుగుతున్న ఎక్సైజ్ శాఖకి పట్టదా?
★మద్యం బెల్టు షాపులను ప్రోత్సహిస్తున్న వారిపై చర్యలు తీసుకోవాలి:యాదగిరి గౌడ్, BRS నాయకులు, మణుగూరు
★చర్యలు తీసుకుంటాం:Excise CI రాజీ రెడ్డి
నేటి గద్దర్ న్యూస్ ప్రత్యేక ప్రతినిధి (మే 7)(మణుగూరు):
నైనారపు నాగేశ్వరరావు ✍️
7893538668
ఏజెన్సీలో మద్యం బెల్ట్ షాపులు విచ్చలవిడిగా నడిపించడం వలన అనేక మంది మరణాలకు నిలయంగా బెల్ట్ షాపులు ఉంటున్నాయని పలువురు ఆరోపిస్తున్నారు. ధనార్జనే ధ్యేయంగా బెల్ట్ షాపులు నిర్వహిస్తూ ఉండడం వలన అనేక మంది మరణాలకు,హత్యలకు నిలయాలుగా ఉండడం వలన మందు బాబుల ఘర్షణలకు కారణమౌతున్నాయని పలువురు రాజకీయ నాయకులు మేధావులు ముక్తకంఠంతో ఆరోపిస్తున్నారు.గత కొంత కాలం క్రితం మణుగూరు మండలంలోని మణుగూరు మున్సిపాలిటీ పరిధిలోని గాంధీ బొమ్మ సెంటర్లో మద్యం మత్తులో ఒకరికి ఒకరి మధ్య తీవ్రస్థాయిలో ఘర్షణలు ఏర్పడి అదే గాంధీ బొమ్మ సెంటర్లో ఇండ్లను తగల బెట్టుకోవడం జరిగిన సంఘటనలు ఉన్నాయని దాని వలన పలు కుటుంబాలు వీధిన పడి జైళ్ళ పాలు అయినటువంటి సంఘటనలు ఉన్నాయని పలు రాజకీయ పార్టీ నాయకులు ఆరోపిస్తున్నారు.అదే కాకుండా మణుగూరు పీకే వన్ సెంటర్లో ఈ నెల 5న మధ్యాహ్నం సుమారు రెండు గంటల ప్రాంతంలో అక్కడే ఉన్న బెల్ట్ షాప్ ముందు హత్యాయత్నం జరిగిన సంఘటన అనంతరం మండల ప్రజానీకం మహిళలు యువతు లు భయభ్రాంతులకు గురవుతున్నారు.ఎక్సైజ్ శాఖ అధికారులు మద్యం సిండికేట్ వ్యాపారులను ప్రోత్సహించడం వలన ఏజెన్సీ ప్రాంతంలో విచ్చలవిడిగా బెల్ట్ షాపులు నిలుస్తున్నాయని వాటి వలన మద్యానికి బానిసైన మందుబాబుల కుటుంబాలు చిన్నాభిన్నమై పలు కుటుంబాలు వీధిన పడుతున్నాయని పలువురు ఆరోపిస్తున్నారు.రెక్కాడితే గాని డొక్కాడని వందలాది పేద కుటుంబాలు వీధిన పడడమే కాకుండా,హత్యలు,హత్యా యత్నాలు,ఘర్షణలు జరగడానికి కారకులు మద్యం సిండికేట్ యాజమాన్యాలేనని వారి హత్యలకు పూర్తి బాధ్యత ఎక్సైజ్ శాఖ అధికారులు మరియు సిండికేట్ యాజమాన్యాలే బాధ్యత వహించాలని పలు మహిళా సంఘాల నాయకురాలు,బాధిత మహిళలల కుటుంబాల వారు,రాజకీయ పార్టీల నాయకులు,మేధావులు డిమాండ్ చేస్తున్నారు.మరోపక్క పార్లమెంట్ ఎన్నికలు జరుగుతున్న సందర్భంలో బెల్ట్ షాపులు బందు చేయాల్సినటువంటి బాధ్యత ఉన్నటువంటి ఎక్సైజ్ శాఖ అధికారులు నిమ్మకు నీరెత్తినట్టుగా వ్యహరించడం పట్ల పలువురు మండిపడుతున్నారు.ఎక్సైజ్ శాఖ అధికారులు ఎన్నికల నిబంధనలకు విరుద్ధంగా వ్యవహరించడం పట్ల పలు అనుమానాలు వ్యక్తం అవుతున్నాయని రాజకీయ పార్టీల నాయకులు మేధావులు సంబంధిత ఎక్సైజ్ శాఖ అధికారుల పట్ల విమర్శనాస్త్రాలు సిద్ధిస్తున్నారు.ఎక్సైజ్ శాఖ అధికారులు సిండికేట్లతో కుమ్మక్కై వారిచ్చే కాసులకి కక్కుర్తి పడి ప్రజల ప్రాణాలతో చలగాటమాడుతున్నారని పలువురు మండిపడుతున్నారు.
💥💥💥💥💥💥💥💥
మద్యం బెల్టు షాపులను ప్రోత్సహిస్తున్నా వారిపై చర్యలు తీసుకోవాలి:బిఆర్ఎస్ మణుగూరు పట్టణ సీనియర్ నాయకులు:తాళ్లపల్లి యాదగిరి గౌడ్.
మణుగూరు పట్టణంలో మద్యం బెల్టు షాపులు విచ్చలవిడిగా నడిపిస్తున్నారని వాటి వలన ప్రజలు మద్యం సేవించే వారు ఆనేక ఇబ్బందులకు గురవుతున్నారని ఆందోళన వ్యక్తం చేశారు.మణుగూరు మునిసిపాలిటీ పరిధిలోని పికే 1 సెంటర్లో ఘర్షణలకు దారితీస్తుందని,పేదల కష్టార్జితాన్ని మద్యం బెల్టు షాపుల యాజమాన్యాలు కొల్లగొడుతూన్నారని మండిపడ్డారు.పికే 1 సెంటర్లో ఉన్న బెల్టు షాపులను తక్షణమే రద్దు చేయాలని డిమాండ్ చేశారు.బెల్టు షాపులను ప్రోత్సహించే ఎక్సైజ్ శాఖ అధికారులపై, సిండికేట్ యాజమాన్యాలపై చర్యలు తీసుకోవాలని డిమాండ్ చేశారు.
💥💥💥💥💥💥💥💥
మణుగూరు Excise CI రాజీ రెడ్డిని నేటి గద్ధర్ న్యూస్ ప్రతినిధి ఫోన్ కాల్ లో సంప్రదించగా మణుగూరు మండలంలో అన్ని బెల్ట్ షాపులు మూసి వేయడం జరిగిందని, బెల్టు షాపుల నిర్వాహకులపై బైండోవర్ కేసులు పెట్టడం జరిగిందన్నారు. గంజాయి ఇతర మత్తు పదార్థాలు అమ్మిన, అక్రమంగా మద్యం అమ్మకాలు జరిపిన చట్టపరంగా చర్యలు తీసుకుంటామని ఆయన హెచ్చరించారు.
