★పవన్ కళ్యాణ్ అభిమానుల కీలక సమావేశం…
★క్రమశిక్షణతో గ్రామస్థాయిలో సభ్యత్వ క్యాంపెయిన్ చేయాలి…
బేతంచర్ల వెంకటేశ్వర్లు.
నేటి గద్దర్ న్యూస్,ప్రత్యేక ప్రతినిధి మణుగూరు జులై 20:
భద్రాద్రి కొత్తగూడెం జిల్లా పినపాక నియోజకవర్గం మణుగూరు మండల కేంద్రంలో పవర్ స్టార్ పవన్ కళ్యాణ్ అభిమానులు పినపాక నియోజకవర్గం 7 మండలాల అభిమానులుతో వేణు రెస్టారెంట్ ఫంక్షన్ హాల్ నందు పవన్ కళ్యాణ్ అభిమాన సంఘం ప్రత్యేక సమావేశం ఈ కార్యక్రమానికి ముఖ్య అతిథిగా బేతంచర్ల వెంకటేశ్వర్లు హాజరై మాట్లాడుతూ, భవిష్యత్తు కార్యచరణపై ప్రణాళిక సిద్ధం చేసి కమిటీలు,సభ్యత్వాలు,గ్రామస్థాయి నుంచి మండల స్థాయి వరకు కమిటీలు వేయాలని భవిష్యత్తులో కూడా జనసేన పార్టీ ఆధ్వర్యంలో తెలంగాణలో పోటీ చేసేందుకు అడుగులు వేస్తున్నారని అన్నారు.అలాగే వారి సహాయ సహకారాలు ఎప్పుడు ఉంటాయని మరియు అనేక సేవా కార్యక్రమాలు అభిమానులకు సూచనలు చేశారు.అలాగే గౌరవ అధ్యక్షులు బేతంచర్ల వెంకటేశ్వరరావును శాలువతో సత్కరించి వారి అభిమానాన్ని చాటుకున్నారు. అనంతరం పవర్ స్టార్ పవన్ కళ్యాణ్ అభిమాన సంఘం సభ్యులు సురేందర్ పటేల్ మాట్లాడుతూ,అభిమాన సంఘాన్ని మరింత బలోపేతానికి కృషి చేయాలని అలాగే ప్రతి ఒక్కరూ క్రమశిక్షణగా సంఘాన్ని ముందుకు తీసుకెళ్లాలని, కులమత విభేదాలు లేకుండా సేవా కార్యక్రమాలు చేయాలని తెలిపారు.ఈ కార్యక్రమంలో బత్తుల అనిల్ కుమార్,ప్రదీప్ కుమార్,యుగంధర్,బండ్ల బాల,ఆటో బాలయ్య,డేరంగుల నరసింహ,పవన్ కళ్యాణ్ అభిమానులు,జనసేన కార్యకర్తలు తదితరులు పాల్గొన్నారు.
