ఇందిరమ్మ ఇల్లు మంజూరు చేస్తానని హామీ ఇచ్చిన…ఎమ్మెల్యే పాయం వెంకటేశ్వర్లు?
★కుప్పకూలిన ఇంటిని సందర్శించిన రెవెన్యూ సిబ్బంది…
నేటి గదర్ న్యూస్,ప్రత్యేక ప్రతినిధి మణుగూరు జులై 21:
మణుగూరు మున్సిపాలిటీలోని విఠల్ రావు నగర్ లో ఎడతెరిపి లేకుండా కురుస్తున్న వర్షాలకు రాత్రి ఇల్లు కూలడంతో
వెంటనే స్పందించిన తహసిల్దార్ రాఘవరెడ్డి రెవిన్యూ సిబ్బంది ఆర్ఐ లీలావతిని సంఘటన స్థలంకు బాధితుల విజయలక్ష్మి ఇంటి వద్దకు పంపించి పూర్తి వివరాలను సేకరించారు.బాధిత కుటుంబాన్ని ప్రభుత్వం ఆదుకుంటుందని భరోసా కల్పించారు. బాధితురాలు విజయలక్ష్మి కుటుంబానికి ఇందిరమ్మ ఇల్లు కట్టిస్తానని పినపాక శాసనసభ్యులు పాయం వెంకటేశ్వర్లు హామీ ఇచ్చినట్లు సమాచారం. నిరుపేద కుటుంబానికి చెందిన విజయలక్ష్మికి గ్రామస్తులు చేదోడు వాదోడుగా ఉంటూ వారికి చేతనైన సహాయం అందిస్తున్నారు. స్వచ్ఛంద సేవా సంస్థలు,అభ్యుదయవాదులు ఈ పేద ఆదివాసి కుటుంబాన్ని ఆదుకోవాలని కోరుతున్నారు.
