– బిజెపి రాష్ట్రానికి ఏమీ ఇవ్వదు కానీ.. బిజెపికి మాత్రం తెలంగాణ సీట్లు ఓట్లు కావాలి
నేటి గదర్, జూలై 24,
భద్రాద్రి కొత్తగూడెం జిల్లా బ్యూరో,
అలవాల వంశీ 9052354516 :
ఎన్నడూ లేని విధంగా తెలంగాణ రాష్ట్రంలో భారతీయ జనతా పార్టీకి తెలంగాణ ప్రజలు 8 MP సీట్లను ఇస్తే… అందుకు బదులుగా బిజెపి తెలంగాణ ప్రజలకు గుండు సున్నా ఇచ్చిందని భద్రాద్రి కొత్తగూడెం డిసిసి మైనార్టీ సెల్ అధ్యక్షులు మహమ్మద్ ఖాన్ ధ్వజమెత్తారు. ఈ సందర్భంగా ఆయన మాట్లాడుతూ… బిజెపి తెలంగాణకు ఏమీ ఇవ్వదు కానీ బిజెపికి మాత్రం తెలంగాణ రాష్ట్రంలో ఓట్లు కావాలి.., సీట్లు కావాలి.. అని ఎద్దేవా చేశారు. తెలంగాణ రాష్ట్రంపై నరేంద్ర మోడీ ఎప్పుడు విషం జిమ్ముతున్నే ఉన్నారని, రాష్ట్ర ఏర్పాటు సైతం సరిగా జరగలేదని ఆ విషయం సైతం ప్రధాని మరచిపోయారని విమర్శించారు. బడ్జెట్ ప్రకటన సమయంలో తెలంగాణ ఊసే తీయలేదని, విభజన చట్టంలో ఉన్న హామీల గురించి సైతం నోరు మెదపలేదని మహమ్మద్ ఖాన్ దుయ్యబట్టారు. మోడీ మన రాష్ట్రానికి గాడిద గుడ్డు ఇచ్చిండు అని ఎన్నికల సమయం లో కాంగ్రెస్ పార్టీ పదే పదే మొత్తుకుందని, అదే నేడు నిజం అయ్యిందని ఆయన తెలిపారు. రాష్ట్రానికి మీరు ఏమి ఇవ్వరు…కానీ మీకు తెలంగాణలో సీట్లు, ఓట్లు కావాలా..? అంటూ ప్రశ్నించారు. ఎంపీ ఎన్నికల్లో BRS కు పట్టిన గతి… రానున్న స్థానిక సంస్థల్లో బిజెపి కూడా పడుతుందనే విషయం బిజెపి గుర్తుపెట్టుకోవాలని ఆయన అన్నారు.
