★బిఆర్ఎస్ పార్టీ వర్కింగ్ ప్రెసిడెంట్ గా కేటీఆర్ నైతిక విలువలు లేవు. సోషల్ మీడియాలో తప్పుడు ప్రచారాలు చేయించుకొని ఆనందం పొందుతాడా..?
★మళ్లీ ఎలా ఆ పార్టీలోకి వెళ్తా..? బిఆర్ఎస్ లోకి వెళ్ళడం అంటే ఆత్మహత్య చేసుకోవడమే : భద్రాచలం ఎమ్మెల్యే తెల్లం వెంకట్ రావు
★తనపై పార్టీ మారుతున్నట్లు వస్తున్న ప్రచారాలపై స్పందించిన : భద్రాచలం MLA తెల్లం వెంకట్ రావు..
నేటి గదర్ న్యూస్, భద్రాద్రి కొత్తగూడెం ప్రతినిధి:
తెలంగాణ అసెంబ్లీ ఏమైనా బిఆర్ఎస్ క్యాంపు కార్యాలయంగా భావిస్తున్నారా..? సహచర శాసనసభ్యులు పలకరించారు కదా అనే సదుద్దేశంతో స్నేహపూర్వకంగా మాట్లాడితే బిఆర్ఎస్ పార్టీలోకి చేరుతున్నట్లు దొంగ చాటున తీసిన ఫోటోను అడ్డం పెట్టుకొని తప్పుడు ప్రచారాలు చేసుకోవడం ఆ పార్టీ విధానాలకు, ఆ పార్టీ వర్కింగ్ ప్రెసిడెంట్ కేటీఆర్ నైతిక విలువకు నిదర్శనం.. నా భద్రాచలం ప్రజల ఆకాంక్షను నెరవేర్చేందుకు, భద్రాచలం అభివృద్ధే అంతిమంగా కాంగ్రెస్ పార్టీలో చేరడం జరిగింది. బిఆర్ఎస్ పార్టీ వాళ్లు సోషల్ మీడియాలో పార్టీ మారుతున్నట్లు చేస్తున్నవి తప్పుడు ప్రచారాలు మాత్రమే వారు మండిపడ్డారు. అలాగే త్వరలో జరిగే స్థానిక ఎన్నికల్లో బిఆర్ఎస్ పార్టీ నామరూపాలు లేకుండా చేస్తా అంటూ వారు ఘాటుగా స్పందించారు.
