నేటి గదర్ న్యూస్ , ఆగస్ట్ 8 (పాలేరు నియోజకవర్గ ప్రతినిధి కొమ్ము ప్రభాకర్ రావు):
కూసుమంచి మండలంలో ఎంపిడిఓ వేణుగోపాల్ రెడ్డి ఆకస్మిక తనిఖీలు కొనసాగుతున్నాయి.. ఇప్పటికే పలు గ్రామ పంచాయితీల్లో ఆకస్మిక తనిఖీలు నిర్వహించిన ఆయన గురువారం మండలంలోని తురకగూడెం గ్రామంలోని అంగన్వాడీ కేంద్రాన్ని తనిఖీ చేశారు . ఈ సందర్భంగా విద్యార్థుల ప్రతిభకు ఎంపిడిఓ వేణుగోపాల్ రెడ్డి ముచ్చటపడి పిల్లలను అభినందించారు.. అనంతరం కిష్టాపురం గ్రామంలోని ప్రాథమికోన్నత పాఠశాలలో మధ్యాహ్నం భోజనం తనిఖీ చేసి ,విద్యార్థులతో కలిసి క్రింద కూర్చొని మధ్యాహ్నం భోజనం చేశాడు.. విద్యార్దులకు అందించే మధ్యాహ్నం భోజనం నాణ్యతతో అందించాలని సూచించారు.. మరోసారి వచ్చి మధ్యాహ్నం భోజనం చేస్తానని అప్పుడు మధ్యాహ్నం భోజనంలో నాణ్యత లేకపోతే చర్యలు తప్పవని హెచ్చరించారు. ఈ కార్యక్రమంలో పంచాయితీ కార్యదర్శులు మౌనిక ,మాధవి ,అంగన్వాడీ టీచర్లు పాల్గొన్నారు..
