నేటి గదర్ న్యూస్ సెప్టెంబర్ 25:తల్లాడ ప్రతినిధి శ్రీనివాస నాయుడు.
తల్లాడ మండలంలోని ముద్దునూరు గ్రామానికి చెందిన కాంగ్రెస్ పార్టీ నాయకులు, మాజీ సర్పంచ్ యరమల వెంకటేశ్వర రెడ్డి మృతి చెందిన విషయం తెలిసిందే. ఈ విషయం తెలుసుకున్న కాంగ్రెస్ పార్టీ నాయకులు తుమ్మలపల్లి రమేష్ బుధవారం ఆ గ్రామంలో ఆయన పార్థివదేహానికి పూలమాలలు వేసి నివాళులు అర్పించారు. కుటుంబ సభ్యులకు తన ప్రగాఢ సంతాప సానుభూతిని వ్యక్తం చేశారు. అనంతరం ఆయన మాట్లాడుతూ తనకు వెంకటేశ్వర రెడ్డికి మంచి స్నేహపూర్వక సంబంధాలు ఉన్నాయని, హఠాత్తుగా ఆయన మరణ వార్త వినటం చాలా బాధ కలిగించిందన్నారు. కుటుంబానికి పార్టీ అండగా ఉంటుందన్నారు. ఈ కార్యక్రమంలో ఆయన వెంట నాయకులు అయినాల నరసింహారావు, ధూపాటి నాగరాజు, కృష్ణార్జున్ తదితరులు ఉన్నారు.
