ఘనంగా బీర్సా ముండ 150వ,జయంతి వేడుకలు.

*పదహారు గ్రామపంచాయతిలలో పెసా గ్రామసభలు ఆదివాసీ గిరిజన గ్రామాలలో ఎగిరిన పచ్చ జెండాలు*
నేటి గద్దర్ కరకగూడెం: ఘనంగా భగవాన్ బీర్సా ముండ 150 వ జయంతి సందర్భంగా మండల వ్యాప్తంగా అన్ని ఆదివాసీ గ్రామాలలో ఆదివాసీ జెండాలు ఎగురవేశారు.ఈ సందర్బంగా మండల వ్యాప్తంగా అన్ని పంచాయతీలలో పెసా గ్రామసభలు నిర్వహించి ఆయన చిత్రపటానికి పూలమాలలు వేసి ఘన నివాళులు అర్పించారు ఈ సందర్భంగా ఆదివాసి ఉద్యమ నాయకులకు సన్మానాలు చేశారు.గొల్లగూడెం గ్రామపంచాయతిలో నిర్వహించిన పెసా గ్రామ సభలో ఆదివాసీ సమస్యలపై ఉద్యమాలు చేస్తున్న ఉద్యమ నాయకులు తుడుందెబ్బ జిల్లా ఉపాధ్యక్షులు సూతారి నాగేశ్వరరావుని సన్మానించారు. ఆదివాసీ సంఘాల ఐక్యవేదిక మండల అధ్యక్షులు పోలేబోయిన వెంకటనారాయణ ఆధ్వర్యంలో మండల పరిధిలోని చిరుమళ్ళ గ్రామంలోని సమ్మక్క-సారలమ్మ ఆలయ ప్రాంగణంలో భగవాన్ బిర్సా ముండా జయంతి వేడుకలకు ఆదివాసీ సంఘాల జాతీయ జేఏసీ అధ్యక్షులు చందా లింగయ్య దొర హాజరై అయన చిత్ర పటనికి పూలమాలలు వేసి నివాళులు అర్పించారు. ఈ సందర్భంగా ఆయన మాట్లాడుతూ బిర్సా ముండా తన పోరాటాలు, సంస్కృతి సాంప్రదాయంతో హక్కులు చట్టాలను కాపాడుకోవడం కోసం బ్రిటిష్ అధికారులపై తిరుగుబాటు తో పాటు పోరాటం కొనసాగించిన మహానుభావుడని స్థానిక గ్రామాలను ఏకం చేసి తన పోరాటాన్ని బ్రిటిష్ అధికారులపై పోరాటం చేసిన మొట్టమొదటి వ్యక్తి బిర్సా ముండా అని అన్నారు. నేటి యువతరం బిర్సా ముండా స్పూర్తితో ఉద్యమం కొనసాగిస్తూ ఆదివాసీలు తమ హక్కులు, చట్టాలను కొనసాగించడం కోసం ముందుకు సాగాలని ఆయన అన్నారు.అలాగే 16 గ్రామపంచాయతీలో జరిగిన బిర్సా ముండ జయంతి సందర్భంగా ఏర్పాటు చేసిన పెసా గ్రామ సభలలో అటవీ హక్కుల చట్టం,పెసా చట్టలపై అవగాహన కల్పించారు. అనంతరం ఆదివాసీ సమస్యలపై ఉద్యమాలు చేస్తున్న వారికి సన్మానాలు నిర్వహించినట్లు ఆయన తెలిపారు. ఈ కార్యక్రమాలలో 16 గ్రామ పంచాయతీల సెక్రటరీలు,మండల జేఏసీ ప్రధాన కార్యదర్శి కలం సాంబమూర్తి,తాజా మాజీ సర్పంచ్ ల సంఘం మండల అధ్యక్షులు పాయం.నరసింహరావు, ప్రచార కార్యదర్శి పొలెబోయిన.సర్వేశ్వరావు ఊకె నరేష్,చందా వీరయ్య,భుపతయ్య,తదితరులు పాల్గొన్నారు.