ధాన్యం కొనుగోలు కేంద్రాన్ని ప్రారంభించిన ఎంపీ రఘురాంరెడ్డి.

నేటి గదర్ న్యూస్, ఖమ్మం జిల్లా ప్రతినిధి, ✍️సతీష్ కుమార్ జినుగు.
ఖమ్మం రూరల్: ఏదులాపురం సొసైటీ పరిధిలోని కాచిరాజు గూడెం గ్రామపంచాయతీ వాల్యా తండాలో ఇందిరా క్రాంతి పథం (ఐకే పీ) ఆధ్వర్యంలో ఏర్పాటు చేసిన ధాన్యం కొనుగోలు కేంద్రాన్ని ఖమ్మం ఎంపీ రామ సహాయం రఘురాం రెడ్డి సోమవారం ప్రారంభించారు. రాష్ట్ర గిడ్డంగుల సంస్థ చైర్మన్ రాయల నాగేశ్వరరావు తో కలిసి ధాన్యం తేమ శాతాన్ని, కాంటాలను స్వయంగా పరిశీలించారు. ఈ సందర్భంగా ఎంపీ మాట్లాడుతూ.. కొనుగోళ్లు వేగంగా నిర్వహించాలని అన్నారు. రైతులకు ఎలాంటి నష్టం జరగకుండా చూడాలని సంబంధిత అధికారులను ఆదేశించారు. ఈ కార్యక్రమంలో మద్దులపల్లి మార్కెట్ కమిటీ చైర్మన్ బైరు హరినాధ బాబు, కాంగ్రెస్ ఖమ్మం రూరల్ మండలాధ్యక్షులు కళ్లెం వెంకటరెడ్డి, కాంగ్రెస్ జిల్లా నాయకులు కొప్పుల చంద్రశేఖర్, నాయకులు కొండాపురం శ్రీనివాసరావు, పలువురు ప్రజాప్రతినిధులు, కాంగ్రెస్ శ్రేణులు.. తదితరులు పాల్గొన్నారు.