తోగ్గూడెం గ్రామ పంచాయతీ కాంగ్రెస్ పార్టీ గ్రామ కమిటీ ఎన్నిక
★ అధ్యక్షులుగా కూనారపు సత్యనారాయణ
@ఉపాధ్యక్షులుగా పాయం సమ్మక్క
పినపాక, జనవరి 06
పినపాక మండలం ,తోగ్గూడెం గ్రామ పంచాయతీ కాంగ్రెస్ పార్టీ గ్రామ కమిటి ని ఆదివారం సాయంత్రం పినపాక మండల కాంగ్రెస్ పార్టీ మహిళా అధ్యక్షురాలు పాయం సమ్మక్క ఆధ్వర్యంలో తోగ్గూడెం పంచాయతీ కేంద్రంలో ఎన్నుకున్నారు. ఈ నెల 5 వ తారీకు న తోగ్గూడెం పంచాయతీ గ్రామ కమిటీ ఏర్పాటు చేసినట్లు కాంగ్రెస్ పార్టీ నుండి కొందరు నాయకులు సోషల్ మీడియాలో ప్రచురించిన కమిటీని తీవ్రంగా ఖండిస్తున్నట్లు కాంగ్రెస్ పార్టీ సీనియర్ నాయకులు చిట్టిమళ్ల సతీష్, డొంకెన సాంబశివరావు,సళ్ళూరి లక్ష్మయ్య,పాయం వెంకటేశ్వర్లు తెలిపారు.తోగ్గూడెం గ్రామ పంచాయతీలోని నాలుగు గ్రామాలైన గోపాలరావుపేట, తోగ్గూడెం ,గోవిందాపురం మరియు టేకులగూడెం గ్రామాల పార్టీ కార్యకర్తలు ఆ కమిటీని ముక్తకంఠంతో వ్యతిరేకించడం వలన ప్రజాభీష్టం మేరకు కాంగ్రెస్ పార్టీ ఎదుగుదలకు అందరినీ కలుపుకొనిపోయే నూతన కాంగ్రెస్ పార్టీ గ్రామ కమిటీని ఏర్పాటు చేయాల్సివచ్చిందని వారు స్పష్టం చేశారు. నూతన కమిటీలో తోగ్గూడెం పంచాయతీ గ్రామ కాంగ్రెస్ పార్టీ అధ్యక్షులుగా కూనారపు సత్యనారాయణ,ఉపాధ్యక్షులుగా పాయం సమ్మక్క, ప్రధానకార్యదర్శిగా కొమరం నాగేశ్వరరావు,కార్యదర్శిగా పులుగుజ్జు జంపయ్య, కోశాధికారిగా కలం రమేష్ ఎన్నికయ్యారు. కార్యవర్గ సభ్యులుగా బండారు గిరిప్రసాద్,నూపా కళ్యాణ్,జనగం జంపయ్య,చీమల పాపయ్య, ఈసం సత్యనారాయణలు నియమితులయ్యారు. కమిటీ ఎన్నిక అనంతరం నూతన గ్రామకమిటీ అధ్యక్షులు, కార్యవర్గసభ్యులు మాట్లాడుతూ… పినపాక నియోజక వర్గశాసనసభ్యులు పాయంవెంకటేశ్వర్లు ఆదేశానుసారం,మండల కాంగ్రెస్ నాయకుల అడుగుజాడల్లో, ఈ అవకాశాన్ని కల్పించిన గ్రామ పంచాయతీ కాంగ్రెస్ పార్టీ నాయకుల ప్రోత్సాహంతో పనిచేస్తూ వచ్చే స్థానికసంస్థల ఎన్నికలలో అందరినీ కలుపుకొనిపోయి గెలుపే లక్ష్యంగా పనిచేసి పార్టీ అభివృద్ధికి పాటుపడతామని ప్రతిజ్ఞ చేశారు. శాసనసభ్యులు పాయం వెంకటేశ్వర్లు అడుగుజాడల్లో నడుస్తూ పార్టీ ప్రతిష్టను పెంచుతామన్నారు. ప్రభుత్వం ప్రవేశపెట్టిన సంక్షేమ పథకాలు పేద ప్రజలకు అందేలా చూడటమే మా కర్తవ్యం అన్నారు.ఈ కార్యక్రమంలో కాంగ్రెస్ పార్టీ సీనియర్ నాయకులు చిట్టిమళ్ళ సతీష్, డొంకెన సాంబశివరావు, సల్లూరి లక్ష్మయ్య, పాయం వెంకటేశ్వర్లు, సనప క్రిష్ణయ్య, పార్టీ నాయకులు నర్రా ఉమేష్,కొండా యాకూబ్,గోరెంట్ల శ్రీను,జలగం మహేష్,ఈసం ముత్తయ్య, చిర్ర కుమార్, పడిగ కామరాజు, చిర్ర వెంకన్న, గంగరబోయిన శ్రీను, నర్ర వెంకన్న. పులుగుజ్జు సాంబయ్య, పులిగుజ్జు వీరన్న, సళ్లూరి సాంబశివరావు.పాయం సురేష్,పాయం సతీష్,కోడెం ముత్తయ్య,పూజరి సాయి, ఉప్పల సతీష్, భగుతు వెంకన్న, ఉగ్రారపు గణేష్,మరియు పార్టీ కార్యకర్తలు పాల్గొన్నారు.
