రామాయంపేట (నేటి గద్దర్ ప్రతినిధి) జనవరి 30:- మెదక్ జిల్లా రామాయంపేట మండలం డి.ధర్మారంలో ప్రాథమిక ఆరోగ్య కేంద్రం మహిళా సాధికారత కేంద్రం వారు జనవరి 22 నుండి మార్చి 8 వరకు నిర్వహిస్తున్న దశాబ్ది ఉత్సవాలలో భాగంగా నేడు బేటి బచావో బేటి పడావో కార్యక్రమం నిర్వహించారు.ఈ సందర్బంగా మండల వైద్యధికారి డాక్టర్ హరి ప్రియ మాట్లాడుతూ ఆడపిల్లలను రక్షించే విషయంలో మీ వంతు బాధ్యత ఉందని అలాగే ఆడపిల్లలను రక్షించే విషయములో మన అందరం కలిసికట్టుగా పనిచేయాలని తెలిపారు.అలాగే పిసి పెండెంట్ యాక్ట్ గురించి ఏఎన్ఎం లకు ఆశ వర్కర్లకు వివరించడం జరిగిందని పేర్కొన్నారు.అదే విదంగా మహిళా సాధికారత కేంద్ర జిల్లా మిషన్ కోఆర్డినేటర్ సంతోషి మాట్లాడుతూ ఆడపిల్లలను రక్షిద్దాం ఆడపిల్లలను చదివిద్దాం అనే విషయాల గురించి వివరిస్తూ అలాగే గ్రామాలలో వారి దృష్టికి ఏమైనా బాల్యవివాహాలు గాని ఏమైనా పిల్లలకు సంబంధించిన సమస్యలు ఉంటే 1098 కి కాల్ చేసి సమాచారం ఇవ్వాలని ఆమె తెలియపరచారు. అనంతరం ఆస్పత్రి ఆవరణలో అధికారులు మొక్కలు నాటారు.ఈ కార్యక్రమంలో డాక్టర్ హరి ప్రియ,మహిళా సాధికారత కేంద్రం సంతోషి ఏఎన్ఎంలు,ఆశ వర్కర్లు ఆస్పత్రి సిబ్బంది తదితరులు పాల్గొన్నారు.
