నేటి గధర్ న్యూస్ ప్రతినిధి,జూలూరుపాడు: జూలూరుపాడు మండలం భేతాలపాడు రైతు వేదిక సమీపంలో గురువారం అర్ధరాత్రి అక్రమంగా ట్రాక్టర్ల ద్వారా మట్టి, ఇసుకను తరలిస్తున్నారు. ఈ మేరకు సమాచారం అందుకున్న CI ఇంద్రసేనరెడ్డి ఆధ్వర్యంలో స్థానిక పోలీసులు అర్ధరాత్రి ఇసుక,మట్టి తరలిస్తున్న ట్రాక్టర్ల పై దాడులు నిర్వహించి 2 ఇసుక ,6 మట్టి ట్రాక్టర్లను పట్టుకొని పోలీస్ స్టేషన్ కి తరలించడం జరిగింది. జూలూరుపాడు మండలంలో ఎలాంటి అనుమతులు లేకుండా అక్రమంగా మట్టి ఇసుక తోలకాలకు పాల్పడితే కఠిన చర్యలు తప్పవని హెచ్చరించారు. ప్రభుత్వ అనుమతి తప్పనిసరి అని అన్నారు.
