* ముస్లిం సోదరులందరికీ రంజాన్ శుభాకాంక్షలు తెలిపిన REGA
నేటి గద్ధర్ న్యూస్, భద్రాద్రి కొత్తగూడెం ప్రతినిధి:జిల్లా ముస్లిం మైనార్టీ సోదరులందరికి భద్రాద్రి కొత్తగూడెం జిల్లా BRS అధ్యక్షులు, మాజీ MLA ఎమ్మెల్యే రేగా కాంతారావు రావు గురువారం రంజాన్ శుభాకాంక్షలు తెలిపారు. మణుగూరు లో రంజాన్ పండుగ వేడుకల్లో ఆయన పాల్గొన్నారు. రేగా కాంతారావు స్వయంగా ఆయన ముస్లిం ఆత్మీయ సోదరుల ఇళ్లలోకి వెళ్లి రంజాన్ శుభాకాంక్షలు తెలిపారు .ఈ సందర్భంగా ఆయన మాట్లాడుతూ.. శాంతికి, ప్రేమకు, పవిత్ర సంకల్పానికి చిహ్నం రంజాన్ పండగ అన్నారు. నెల రోజులు ఎంతో భక్తి శ్రద్ధలతో ఉపవాసాలు ఉండి, ఇంతటి ఓపికతో ఉపవాసాలు చేసిన మీ అందరికీ అల్లా ఆశీర్వాదం ఉంటుందన్నారు.
జీవిత అశయాలు నెరవేరేలా అల్లా ఆశీర్వదించాలని మనసారా కోరారు. మీ ప్రార్థనలు సమాజ శ్రేయస్సుకు దోహదపడతాయన్నారు. ముస్లిం సోదరులను కలిసి పండగలో పాలుపంచుకున్నందుకు ఎంతో సంతోషంగా ఉందని వెల్లడించారు.ఈ కార్యక్రమంలో మణుగూరు కోఆప్షన్ సభ్యులు సయ్యద్ జావేద్ పాషా,నర్సన్న, కూనవరం మాజీ ఎంపీటీసీ వల్లభనేని రమణ, మాజీ సర్పంచ్ ఏ ని క ప్రసాద్, బీ ఆర్ఎస్ నాయకులు పద్దం శ్రీనివాస్, గుర్రం సృజన్ తదితరులు పాల్గొన్నారు.
