★ భద్రాచలంలో బీఆర్ఎస్ పార్టీ ప్రచార రథం ప్రారంభం
★ ప్రతి కార్యకర్త సైనికుని వలె పని చేయాలి
★ భద్రాచలంలో ఆ పార్టీ ముఖ్య కార్యకర్తల సమావేశంలో BRS భద్రాద్రి కొత్తగూడెం జిల్లా అధ్యక్షులు Rega Kantha Rao
నేటి గద్దర్ న్యూస్, భద్రాద్రి కొత్తగూడెం ప్రతినిధి: రానున్న పార్లమెంటు ఎన్నికల్లో మహబూబాబాద్ పార్లమెంట్ బీఆర్ఎస్ పార్టీ MP అభ్యర్థి మాలోత్ కవిత ను భారీ మెజార్టీతో గెలిపించాలని ఆ పార్టీ భద్రాద్రి కొత్తగూడెం జిల్లా అధ్యక్షులు రేగా కాంతారావు పిలుపునిచ్చారు. శుక్రవారం భద్రాచలం పవిత్ర పుణ్యక్షేత్రంలో బీఆర్ఎస్ పార్టీ ప్రచార రథాన్ని ఆయన జెండా ఊపి ప్రారంభించారు. అనంతరం భద్రాచలం బీఆర్ఎస్ పార్టీ కార్యాలయంలో ఏర్పాటు చేసిన ఆ పార్టీ ముఖ్య కార్యకర్తల సమావేశంలో పాల్గొని మాట్లాడారు. తెలంగాణ రాష్ట్రంలో చేతగాని వ్యక్తి చేతిలో పాలన కొనసాగుతుందని… ప్రజలు మరోసారి మోసపోవద్దని రేగా సూచించారు. ఇప్పటికే ప్రజలు మోసపోయి మోసపడుతున్నారని ఆవేదన వెలిబుచ్చారు. కాంగ్రెస్ ప్రభుత్వం ఇచ్చిన ఆరు గ్యారెంటీలతోపాటు,420 హామీలు అమలు జరగాలన్న బీఆర్ఎస్ పార్టీ ఎంపీ అభ్యర్థులను గెలిపించాలని కోరారు. ఈ సమావేశంలో భద్రాచలం నియోజకవర్గం బీఆర్ఎస్ పార్టీ ప్రజాప్రతినిధులు పాల్గొన్నారు.
