1/70లో యదేచ్చగా అక్రమ కట్టడాలు పట్టించుకోని అధికారులు

నేటి గద్ధర్ న్యూస్,అల్లూరి జిల్లా:
హుకుంపేట మండల కేంద్రంలో 1/ 70 చట్టాన్ని ఉల్లంఘించి విచ్చలవిడిగా గిరిజనేతరులు అక్రమ నిర్మాణాలు చేపడుతున్నారు.రెవెన్యు,పంచాయితీ నుంచి ఎటువంటి అనుమతులు లేకుండానే బహుళ అంతస్తులు, షాపులపై షాపులు ఆక్రమ నిర్మాణాలు నిర్మిస్తున్న పంచాయతీ, రెవెన్యూ అధికారులు పట్టించుకోలేదని స్థానికులు మండిపడుతున్నారు. సంబంధిత అధికారులు ఎన్నికల బిజీలో ఉండటంతో ఇదే అవకాశం అని భావించి కొంతమంది గిరిజనేతరులు జోరుగా అక్రమ కట్టడాలు చేపడుతున్నారు. ప్రధాన రహదారి పక్కన బహుళ అంతస్తులు, దుకాణాల ఆక్రమ నిర్మాణాలు చేపడుతున్నా అధికారులు పట్టించుకోక పోవడం పై గిరిజన ప్రజా సంఘాల నేతలు మండిపడుతున్నారు. గిరిజనేతరులు నిర్మిస్తున్న అక్రమ నిర్మాణాలు అరికట్టాలని ఎన్నిసార్లు సంబంధిత రెవెన్యూ అధికారులకు, పంచాయతీ అధికారులకు ఫిర్యాదుచేసినప్పటికీ పట్టించుకునేనాధుడు కరువయ్యారని స్థానికులు మండిపడుతున్నారు. గిరిజనేతరులు నిర్మిస్తున్న అక్రమ నిర్మాణాలు అరికట్టకపోతే జిల్లా కలెక్టర్, పాడేరు ఐటిడిఏ పిఓ దృష్టికి తీసుకెళ్తామని ఆదివాసి గిరిజన ప్రజా సంఘాలు తెలిపారు.