నేటి గద్దర్ న్యూస్,ప్రత్యేక ప్రతినిధి మణుగూరు జూన్ 12:
నైనారపు నాగేశ్వరరావు ✍️
మణుగూరు మండల పరిధిలోని కూనవరం ప్రాధమికొన్నత పాఠశాల ప్రధానోపాధ్యాయులు షేక్ మీరా హుస్సేన్ అధ్యక్షతన బడిబాట కార్యక్రమం జరిగింది. ఈ సందర్భంగా పాఠశాలను సుందరంగా అలంకరించారు.మామిడి తోరణాలు కట్టి రబ్బర్ బెలూన్స్ తో పాఠశాలలో ఆహ్లాధాకరంగా అలంకరణ చేశారు.ఈ కార్యక్రమానికి ముఖ్య అతిధిగా పినపాక శాసన సభ్యులు పాయం వెంకటేశ్వర్లు హాజరై తొలుత అమ్మ ఆదర్శ పాఠశాల కమిటీ ఆధ్వర్యంలో ఇటీవల పాఠశాలలో ఏర్పాటు చేసిన విద్యుద్దీకరణ,తాగునీటి సౌకర్యం, మరుగుదొడ్లు వంటి సౌకర్యాలను ప్రారంభించారు.అనంతరం విద్యార్థిని విద్యార్థులకు ప్రభుత్వం సరఫరా చేసే ఉచిత టెక్స్ట్ బుక్స్ నోట్ బుక్స్ మరియు ఏకరూప దుస్తులను పంపిణీ చేశారు.ఈ సందర్భంగా ఆయన మాట్లాడుతూ,తెలంగాణ రాష్ట్ర ప్రభుత్వం అమ్మ ఆదర్శ పాఠశాల కమిటీల ద్వారా ఈ వేసవిలో ప్రభుత్వ పాఠశాలల్లో అవసరమైన త్రాగునీరు,విద్యుత్ సౌకర్యం, మరుగుదొడ్ల నిర్వహణ,మైనర్ రిపేర్లు వంటి సౌకర్యాలను ఏర్పాటు చేసిందని,ప్రైవేటు పాఠశాలలకు దీటుగా,ప్రభుత్వ పాఠశాలలో సౌకర్యాలు మరియు నాణ్యమైన విద్యను ప్రభుత్వం కల్పిస్తుందని తెలిపారు. తల్లిదండ్రులు తమ పిల్లలను ప్రభుత్వ పాఠశాలలో చేర్పించాలని కోరారు.బడి బాటలో ప్రాథమికోన్నత పాఠశాల కూనవరం లో ప్రధానోపాధ్యాయులు,ఉపాధ్యాయులు ఇప్పటి వరకు 18 మంది విద్యార్థుల్ని పాఠశాలలో చేర్పించినందుకు పాఠశాల ప్రధానోపాధ్యాయుడిని,ఉపాధ్యాయులను అభినందించారు.ప్రభుత్వ పాఠశాలల్లో కూడా ఇంగ్లీష్ మీడియం బోధిస్తున్నారని, తల్లిదండ్రులు ఈ అవకాశాన్ని ఉపయోగించుకోవాలని ఆయన కోరారు. ఇంకా పాఠశాలలో ఉన్న సమస్యలను తన దృష్టికి తీసుకువస్తే ప్రభుత్వం దృష్టికి తీసుకువెళ్లి పరిష్కారం కోసం ప్రయత్నిస్తానని అన్నారు.తొలి అడ్మిషన్ లను ఎమ్మెల్యే పాయం వెంకటేశ్వర్లు చేతుల మీదుగా అందించారు.అనంతరం తల్లిదండ్రుల సమావేశం జరిగింది.ఈ సమావేశంలో పాఠశాల ప్రధానోపాధ్యాయులు షేక్ మీరా హుస్సేన్ మాట్లాడుతూ,విద్యార్థుల్ని ప్రతి రోజు బడికి పంపించాలని,ఇంగ్లీష్ మీడియంలో కూడా విద్యార్థుల్ని చేర్పించాలని కోరారు. తల్లిదండ్రులకు విద్యార్థుల సంరక్షణపై కొన్ని సలహాలు సూచనలు ఇచ్చారు.ఈ కార్యక్రమంలో అమ్మ ఆదర్శ పాఠశాల చైర్మన్ ఏనిక ప్రమీల,కూనవరం గ్రామపంచాయతీ స్పెషల్ ఆఫీసర్ ఎంఈఓ, వీరస్వామి,ఎంపీడీవో శ్రీనివాస రావు,ఎంపిఓ పల్నాటి వెంకటేశ్వర్లు,అసిస్టెంట్ ప్రాజెక్ట్ మేనేజర్ అహ్మదుల్లా,స్కూల్ కాంప్లెక్స్ హెచ్ఎం జి నాగశ్రీ,మండల నోడల్ ఆఫీసర్ స్వర్ణ జ్యోతి,ఎంపీటీసీల జిల్లా ఫోరం కార్యదర్శి గుడిపూడి కోటేశ్వరరావు, కూనవరం ఎంపీటీసీ తాటి సరిత,విలేజ్ సెక్రటరీ సంధ్యారాణి,ఏఈ శుక్రు,యూనిఫాం స్టిచ్చింగ్ టైలర్స్,పుర ప్రముఖులు, గ్రామస్తులు,తల్లిదండ్రులు మరియు విద్యార్థిని విద్యార్థులు పాఠశాల ప్రధానోపాధ్యాయులు షేక్ మీరా హుస్సేన్ టీచర్స్,సారయ్య,రఘు మోహన్ రావు,సింగ రవిబాబు, జయలక్ష్మి,బి ఈరు తదితరులు పాల్గొన్నారు.
