◆హాజరైన మంత్రులు తుమ్మల, పోంగులేటి,ఎంపీ రాఘరాం రెడ్డి, డిసిసి అధ్యక్షులు దుర్గాప్రసాద్
◆భారీగా తరలివచ్చిన అభిమానులు, కార్యకర్తలు*
నేటి గదర్ న్యూస్ , జులై 11 (పాలేరు నియోజకవర్గ ప్రతినిధి కొమ్ము ప్రభాకర్ రావు ):
విదేయతకు దక్కిన అవకాశం.. ఆయన అభిమానులకు ఒక పండుగ .. రాష్ట్ర గిడ్డంగుల సంస్ధ చైర్మన్ గా రాయల నాగేశ్వరరావు గురువారం హైదరాబాద్ గిడ్డంగుల సంస్ధ కార్యాలయంలో అట్టహాసంగా అభిమానుల మధ్య బాధ్యతలు స్వీకరించారు.. ఈ కార్యక్రమానికి మంత్రులు తుమ్మల నాగేశ్వరరావు, పోంగులేటి శ్రీనివాస్ రెడ్డి ఇద్దరు మంత్రులు రాయల నాగేశ్వరరావును దగ్గర ఉండి కుర్చీలో కూర్చోబెట్టి అభినందనలు తెలిపారు. చైర్మన్ గా పదవి బాధ్యతలు చేపట్టిన రాయల నాగేశ్వరరావు కి వేద పండితులు పూర్ణ కుంభంతో స్వాగతం పలికి ఆశీర్వదించారు… ప్రమాణ స్వీకార కార్యక్రమానికి రాష్ట్రంలోని వివిధ జిల్లాల నుంచి పాలేరు నియోజకవర్గం నుండి కాంగ్రెస్ పార్టీ నాయకులు కార్యకర్తలు అభిమానులు భారీగా తరలివచ్చారు. దీంతో గిడ్డంగుల కార్యాలయం కోలాహలంగా మారింది. ఈ సందర్భంగా రాయల నాగేశ్వరరావు మాట్లాడుతూ. కార్పొరేషన్ పదవిని కూడా అందరికీ ఉపయోగపడేలా చేస్తానని చెప్పారు. ముఖ్యమంత్రి రేవంత్ రెడ్డి,డిప్యూటీ సీఎం భట్టి విక్రమార్క,మంత్రులు తుమ్మల, పోంగులేటి,ఇచ్చినటువంటి అవకాశాన్ని పూర్తిస్థాయిలో వినియోగించుకొని ప్రజలందరికీ న్యాయం చేస్తానని హామీ ఇచ్చారు. తమ శాఖ అభివృద్ధికి ఎల్లవేళలా కృషి చేస్తానని చెప్పారు..
