*.ప్రభుత్వ లక్ష్యాలు నెరవేర్చాలి అధికారులు క్షేత్ర స్థాయిలో పర్యటిస్తూ సమీక్షలు నిర్వహిస్తూ పనుల్లో వేగం పెంచాలి.వివిధ శాఖల అధికారులతో ప్రభుత్వ పథకాల పనుల పురోగతి పై సమీక్ష నిర్వహించిన
జిల్లా కలెక్టర్ రాహుల్ రాజ్.*
సిల్వర్ రాజేష్ (నేటి గదర్ ప్రతినిధి మెదక్)
అభివృద్ధి సంక్షేమ పథకాలు ప్రజలకు అందిస్తూ ప్రభుత్వ లక్ష్యాలకు అనుగుణంగా పనిచేయాలని జిల్లా కలెక్టర్ రాహుల్ రాజ్ అధికారులను ఆదేశించారు.సోమవారం ఐ.డి.ఓ.సి కార్యాలయపు సమావేశపు హాలులో ప్రజావాణి నిర్వహించిన అనంతరం వివిధ శాఖల అధికారులతో చేపట్టిన పనులు, పురోగతి, ప్రజావాణి పెండింగ్ దరఖాస్తులు పరిష్కారం జిల్లా అధికారులు సంబంధిత శాఖల పనితీరు రివ్యూలు క్షేత్రస్థాయి పర్యటనలు,డెంగ్యూ మలేరియా వ్యాధులు సాగకుండా ప్రజలను రక్షించడం,వన మహోత్సవ కార్యక్రమం,మహిళా శక్తి పథకం,మన ఊరు మనబడి, ఇంటిగ్రేటెడ్ రెసిడెన్షియల్ స్కూల్స్ ఎడ్యుకేషన్,వాటర్ సప్లై శానిటేషన్ తదితర అంశాలుమౌలికసదుపాయాలు కల్పన, శాఖాపరమై అన్ని శాఖల జిల్లా అధికారులతో జిల్లా కలెక్టర్ రాహుల్ రాజ్ సమీక్ష సమావేశం నిర్వహించారు.
ఈ సమావేశంలో జిల్లా కలెక్టర్ మాట్లాడుతూ ప్రజావాణి పెండింగ్ దరఖాస్తులను ప్రాధాన్యత క్రమంలో సమస్యను పరిష్కరించాలని జిల్లా అధికారులు ఆయా శాఖల ద్వారా చేపడుతున్న అభివృద్ధి సంక్షేమ కార్యక్రమాలను క్షేత్రస్థాయిలో పర్యటించి లోటుపాట్లను సవరించుకొని ప్రజల సంక్షేమం కోసం కృషి చేయాలన్నారు డెంగ్యూ మలేరియా ప్రజలకు సోకకుండా పరిసరాల పరిశుభ్రత పై దృష్టి సారించాలన్నారు ఇందుకు గాను ఆశ ఏఎన్ఎం, పంచాయతీ సెక్రెటరీ నిబద్ధతతో పనిచేయలన్నారు వనమహోత్సవ కార్యక్రమాన్ని జిల్లాలో విజయవంతంగా కొనసాగుతుందని లక్ష్యాలను పూర్తి చేయాలన్నారు మహిళా శక్తి పథకం పగడ్బందీగా అమలు చేయాలని చెప్పారు. మన ఊరు మనబడి కార్యక్రమాల ద్వారా చేపట్టిన పనులు పూర్తి చేయాలని, ప్రభుత్వ పాఠశాలలో నాణ్యమైన గుణాత్మక విద్యను అందించాలని విద్యాశాఖ అధికారిని ఆదేశించారు. ఇంటిగ్రేటెడ్ రెసిడెన్షియల్ స్కూల్ సంబంధించి స్థల పరిశీలన సంబంధించిన వివరాలను అడిగి తెలుసుకున్నారు.మిషన్ భగీరథ ద్వారా తాగునీరు సరఫరా విషయంలోఎటువంటి సమస్యలు తలెత్తకుండా చర్యలు తీసుకోవాలని మిషన్ భగీరథ అధికారులు ఆదేశించారు. ప్రభుత్వ అభివృద్ధి సంక్షేమ పథకాలు ప్రజలకు నూరు శాతం అందించినప్పుడే ఉత్తమ పాలన అందించిన వారమవుతామని కలెక్టర్ అన్నారు.ఈ కార్యక్రమంలో అదనపు కలెక్టర్ రెవిన్యూ వెంకటేశ్వర్లు డి ఆర్ డి ఓ పి డి శ్రీనివాసరావు సంబంధిత వివిధ ప్రభుత్వ శాఖల అధికారులు తదితరులు పాల్గొన్నారు.
