అధికారం ఉందని అరాచకాలకు పాల్పడుతున్న కాంగ్రెస్ శ్రేణులు : మాజీ ఎమ్మెల్యే చంటి క్రాంతి కిరణ్

సిల్వర్ రాజేష్ (నేటి గదర్ ప్రతినిధి మెదక్ జిల్లా)

టేక్మాల్ మండలం షాబాద్ తండా లో పట్టాలున్న గిరిజనులపై దాడి.
పోలీసులు కండువాలు లేని కార్యకర్తల్లావ్యవహారిస్తున్నారు.
బిఆర్ఎస్ శ్రేణులపై కేసులు పెడుతామంటూబెదిరిస్తున్నారు
సర్వే చేసి బాధితులకి న్యాయం చేయాలి.దాడికి పాల్పడ్డ వారిపై చర్యలు తీసుకోవాలని జిల్లా ఎస్పీ కి విజ్ఞప్తి.
మెదక్ ప్రభుత్వ హాస్పిటల్ లో చికిత్స పొందుతున్న గిరిజనును పరామర్శించిన మాజీ ఎమ్మెల్యే.
మెదక్ జిల్లా
అందోల్ నియోజకవర్గం లో అధికారం ఉందని కాంగ్రెస్ శ్రేణులు అరాచకాలకు పాల్పడుతున్నారని అందోల్ మాజీ ఎమ్మెల్యే చంటి క్రాంతి కిరణ్ విమర్శించారు.టేక్మాల్ మండలం షాబాద్ తండా లోని సర్వే నంబర్ 86లో 360 ఎకరాల భూమి ఉందని దింట్లో 150 ఎకరాల్లో పెట్టాలివ్వగా మిగితా భూమిని గిరిజనలు సాగుచేసుకుంటున్నారన్నారు.సాగు చేసుకుంటున్న రైతులపై కాంగ్రెస్ పార్టీకి చెందిన నేతలు దౌర్జన్యానికి పాల్పడి గిరిజనులపై దాడి చేశారన్నారు. బాధితులతో కలిసి మంగళవారం జిల్లా ఎస్పీ ఉదయ్ కుమార్ రెడ్డి ని కలిసి విజ్ఞప్తి చేశారు.అనంతరం చంటి క్రాంతి కిరణ్ మాట్లాడుతూ అధికార పార్టీ నేతల దాడిలో గిరిజనులు ప్రాణాపాయ స్థితిలో మెదక్ ప్రభుత్వ హాస్పిటల్ లో కొట్టుమిట్టాడుతున్నారని ఆవేదన వ్యక్తం చేశారు. దాడిలో బుజ్జి,యమున, ప్రమీల లు తీవ్రంగా గాయపడి అవస్థలు పడుతున్నారని ఆరోపించారు.భూమిని అక్రమంగా ఆక్రమించే ప్రయత్నం చేస్తుంటే అడ్డుకున్న వారిపై దాడులకు పాల్పడి హత్యాయత్నం కు పాల్పడటం ఎంత వరకు సమంజసమన్నారు.ఇంత జరిగిన నిందితులపై చర్యలు తీసు కోకుండా బిఆర్ఎస్ శ్రేణులపైనే కేసులు బనాయిస్తున్నారని ఆరోపించారు. మంత్రి దామోదర్ అండతో కాంగ్రెస్ శ్రేణులు విర్రవిగుతున్నారని విమర్శించారు.అందోల్ నియోజకవర్గం లో పోలీసులు కండువాలు లేని కార్యకర్తల్లా వ్యవహారిస్తున్నారని ఆరోపించారు.బిఆర్ఎస్ శ్రేణులపై కేసులు పెడుతామంటూ పోలీసులు బెదిరిస్తున్నారని విమర్శించారు.భూ తగాదాలుంటే సర్వే చేసి బాధితులకి న్యాయం చేయాల్సింది పోయి అధికార పార్టీకి చెందిన వారికి పోలీసులు సహకరిస్తున్నారని ఆరోపించారు.పోలీసులు వాస్తవ విషయాలు తెలుసుకొని న్యాయం చేయాలనీ అయన కోరారు.అనంతరం మెదక్ జిల్లా హాస్పిటల్ లో చికిత్స పొందుతున్న గిరిజన మహిళలను పరామర్శించి, వారికి అందుతున్న వైద్య సేవలపై డాక్టర్లను అడిగి తెలుసుకున్నారు.అయన వెంట టేక్మాల్ ఎంపిపి స్వప్న రవి, బిఆర్ఎస్ మండల పార్టీ అధ్యక్షులు బత్తుల వీరన్న
ఎస్సీ, ఎస్టీ జిల్లా మానిటరింగ్ కమిటీ సభ్యులు మహేందర్ తోపాటు షాబాద్ తండా గిరిజనలు పాల్గొన్నారు.