నేటి గదర్, ఆగస్టు 11,
భద్రాద్రి కొత్తగూడెం జిల్లా బ్యూరో,
అలవాల వంశీ 9052354516 :
రోడ్డు ప్రమాదంలో మృతి చెందిన ఆశ్రమ పాఠశాల విద్యార్థి కుటుంబాన్ని భద్రాచలం నియోజకవర్గం శాసనసభ్యులు వెంకటరావు శనివారం పరామర్శించారు. భద్రాద్రి కొత్తగూడెం జిల్లా కొత్తపల్లి ఆశ్రమ పాఠశాలలో 8వ తరగతి చదువుతున్న కుంజ దీపక్ అనే విద్యార్థి శుక్రవారం ప్రమాదవశాత్తు జరిగిన ఆటో యాక్సిడెంట్ లో మృతి చెందిన విషయం విధితమే. కాగా ఎమ్మెల్యే డా.తెల్లం వెంకట్రావు విద్యార్థి తల్లిదండ్రులను ఓదార్చారు. విద్యార్థి మృతికి గల కారణాలను తెలుసుకొని, కుటుంబానికి ప్రభుత్వం తరఫున అండగా ఉంటామని ధైర్యం చెప్పారు. విద్యార్థుల పట్ల నిర్లక్ష్యంగా వ్యవహరించిన వారిపై చర్యలు తీసుకునే విధంగా కృషి చేస్తామని అన్నారు. ఈ కార్యక్రమంలో కాంగ్రెస్ పార్టీ నాయకులు, కార్యకర్తలు తదితరులు పాల్గొన్నారు.
