నేడు ఖమ్మం ఏంపీ ఆర్ఆర్ఆర్ ఉభయ జిల్లాల్లో పర్యటన.

నేటి గదర్ న్యూస్, ఖమ్మం జిల్లా ప్రతినిధి, ✍️ సతీష్ కుమార్.
ఖమ్మం జిల్లా ఎంపీ రామ సహాయం రఘురాంరెడ్డి సోమవారం ఖమ్మం, భద్రాద్రి కొత్తగూడెం జిల్లాల్లో పర్యటించనున్నారు. తొలుత ఉదయం 8 గంటలకు నేలకొండపల్లి మండలంలోని బౌద్ధ స్తూపాన్ని డిప్యూటీ సీఎం భట్టి విక్రమార్క, రాష్ట్ర రెవెన్యూ మంత్రి పొంగులేటి శ్రీనివాస రెడ్డి, పర్యాటక శాఖ మంత్రి జూపల్లి కృష్ణారావు, మంత్రి తుమ్మలతో కలిసి పరిశీలించనున్నారు. అనంతరం డిప్యూటీ సీఎం, మంత్రి జూపల్లి తో కలిసి ఖమ్మం ఖిల్లాను సందర్శించనున్నారు. రోప్ వే ఏర్పాటుపై అధికారులతో మాట్లాడుతారు. ఆ తర్వాత వైరా, కిన్నెరసాని రిజర్వాయర్లను పరిశీలించనున్నారు. పర్యాటక కేంద్రాలుగా అభివృద్ధి చేసేందుకు చేపట్టాల్సిన పనులపై చర్చించనున్నారు.