మండల నోడల్ ఆఫీసర్ రాయల వీరస్వామి
నేటి గదర్ న్యూస్ , ఆగస్ట్ 12 (పాలేరు నియోజకవర్గ ప్రతినిధి కొమ్ము ప్రభాకర్ రావు):
కూసుమంచి ఉన్నత పాఠశాలలో కూసుమంచి,నేలకొండపల్లిలోని ఉన్నత పాఠశాల ఉపాధ్యాయులకు సోమవారం నాస్ ( నేషనల్ అచీవ్మెంట్ సర్వే) శిక్షణ తరగతులు జరిగాయి. ఈ కార్యక్రమాన్ని మండల నోడల్ ఆఫీసర్ రాయల వీరస్వామి ప్రారంభించారు. ఈ సందర్భంగా ఆయన మాట్లాడుతూ విద్యార్థుల సామర్థ్యాలను పెంచే విధంగా విద్యాబోధన చేయాలని, రిసోర్స్ పర్సన్లు చెప్పినటువంటి అంశాలను దృష్టిలో పెట్టుకొని విద్యార్థులను సంసిద్ధులుగా చేసి నాస్ లో ఉన్నతమైన స్థానం పొందే లాగా కృషి చేయాలని కోరారు. నాస్ పరీక్షలో ఖమ్మం జిల్లాను రాష్ట్రంలోనే ఉన్నత స్థానంలోకి తీసుకొచ్చేలాగా శిక్షణను ఉపయోగించుకోవాలన్నారు. ఈ కార్యక్రమంలో రిసోర్స్ పర్సన్లు, సీఆర్పీలు వడ్లమూడి వెంకటేశ్వర్లు, ఎస్కే జాఫర్, మందుల రవి,చెర్కుపల్లి ఉపేందర్ పాల్గొన్నారు.
