*దొంగ అనుకోని చితకబాదిన యువకులు!
*పోలీసులకు అప్పగించినవైనం
నేటి గదర్ న్యూస్,భద్రాద్రి కొత్తగూడెం ప్రతినిధి: దారి తప్పి వచ్చిన ఓ గొత్తి కోయ వ్యక్తి చావు దెబ్బలు తిన్నాడు. శనివారం రాత్రి భద్రాద్రి కొత్తగూడెం జిల్లా పినపాక మండలం పినపాకలో చోటుచే సుకుంది. ప్రత్యక్ష సాక్షుల కథనం మేరకు ఈ సంఘటనకు సంబంధించిన వివరాలు ఇలా ఉన్నాయి. శనివారం రాత్రి 10 గంటల సమయంలో ఓ వ్యక్తి అనుమానస్పదంగా పినపాక ఎస్సీ బాలుర సంక్షేమ వసతి గృహం దగ్గర సంచరిస్తూ కనిపించాడు. ఈ క్రమంలో అతను చిన్నపిల్లల కిడ్నాపరా? దొంగ అనే అనుమానంతో కొంతమంది యువకులు ఆ వ్యక్తిని బంధించారు. తెలుగు భాష రాకపోవడంతో అతనిని దొంగగా భావించి కొంతమంది వ్యక్తులు ఆ అపరిచిత వ్యక్తిని చెట్టుకు కట్టేశారు. అనంతరం ఏడూళ్ల బయ్యారం పోలీసులకు సదరు వ్యక్తిని అప్పగించారు. అతను మాట్లాడే భాష వేషధారణ గమనిస్తే గుత్తి గోయ వ్యక్తి గా తెలియవచ్చింది. చత్తీస్గడ్ రాష్ట్రంలో మావోయిస్టులకు పోలీస్ బలగాలకు హోరాహోరీగా కాల్పులు జరుగుతుండడంతో భయభ్రాంతులకు గురవుతున్న గుత్తి కోయలు ప్రాణాలు అరచేతుల పెట్టుకుని చెల్లా చెదర అవుతున్నట్టు విశ్వసనీయ సమాచారం. ఈ క్రమంలోనే ఆ వ్యక్తి పినపాక మండలంలో నివసిస్తున్న ఏదో ఒక గొత్తి కోయ గుంపునకు వెళ్లే క్రమంలో ఇలా దెబ్బల పాలైనట్లు సమాచారం.
