ప్రభుత్వ ఆసుపత్రి ఎదుట మృతుని బంధువుల ధర్నా…
నేటి గద్దర్ న్యూస్ ప్రత్యేక ప్రతినిధి (గార్ల)మే 20:
గార్ల ప్రభుత్వ ఆసుపత్రి ఎదుట మృతుని బంధువుల ఆందోళన నిర్వహించారు.గార్ల మండలం తీర్లాపురం గ్రామ శివారులో జరిగిన రోడ్డు ప్రమాదంలో మృతి చెందిన ఇస్లావత్ అశోక్ కుటుంబ సభ్యులు గార్ల ప్రభుత్వ ఆసుపత్రి ఎదుట ధర్నా నిర్వహించారు.రోడ్డు ప్రమాదంలో గాయపడ్డ అశోక్ ను ముందుగా ప్రభుత్వ ఆసుపత్రికి తీసుకు వస్తే చికిత్స చేసే వైద్యులు ఆసుపత్రిలో అందుబాటులో లేకపోవడం వల్లనే అశోక్ మృతి చెందాడని ఆరోపిస్తూ ధర్నా నిర్వహించారు.దీనితో ఆసుపత్రి వద్దకు పోలీసులు చేరుకొని అశోక్ న్యాయం జరిగేలా కృషి చేస్తామని హామీ ఇచ్చి ఆందోళనకారులను ధర్నాను విరమింప జేశారు.
