ములకలపల్లి.నేటి గద్దర్.మే 20. మండలం లోని ముత్యాలంపాడు జగన్నాధపురం గ్రామాల మధ్య నిర్మిస్తున్న వంతెన నిర్మాణ పనులు త్వరితగతిన పూర్తి చేయాలని గంగారం ఎంపీటీసీ మడకం విజయ డిమాండ్ చేశారు.స్తానిక నాయకులతో కలిసి వంతెన నిర్మాణ పనులను పరిశీలించి,వంతెన నిర్మాణ పనులు నత్తనడకన సాగుతుందని, వర్షాకాలం సమీపిస్తున్న ఇంకా పిల్లర్స్ కూడా భూమి నుండి పైకి రాలేదని,ఇలా అయితే వానాకాలంలో రాకపోకలకు ప్రజలు ఇబ్బందులు ఎదుర్కోవల్సి వస్తుందని, వంతెన నిర్మాణ పనుల్లో వాడుతున్న ఇసుక నాణ్యంగా లేదని, నిబంధనలు ప్రకారం గోదావరి ఇసుక వాడాల్సి ఉండగా,అందుకు విరుద్ధంగా నాణ్యత లేని వాగులోని ఇసుక ను వాడుతున్నారని ఆరోపించారు. ఈ విదంగానే వంతెన నిర్మిస్తే వంతెన ఎంతకాలం మన్నుతుందని ప్రశ్నించారు.సంబందిత అధికారులు పనులు దగ్గర ఉండి నాణ్యంగా చేయించాలని కోరారు.ఈ కార్యక్రమంలో యువజన కాంగ్రెస్ నాయకులు మడకం నరసింహారావు, మడకం రవి ఈసం విజయ్ తదితరులు పాల్గొన్నారు.
