నేటి గదర్, జూన్ 8, భద్రాద్రి కొత్తగూడెం జిల్లా ప్రతినిధి:
భద్రాద్రి జిల్లా కేంద్రంలోని కొత్తగూడెం క్లబ్ లో ఆల్ ఇండియా బంజారా సేవాసంఘ్ ఆధ్వర్యంలో జి.ఓ.3, జిఓ.నెం.33 రిజర్వేషన్, 10 శాతం రిజర్వేషన్ సాధన కోసం శనివారం ఏర్పాటు చేసిన రౌండ్ టేబుల్ సమావేశంలో ఐక్యరాజ్యసమితి సభ్యులు జోగురాం, మాజీ వైరా ఎమ్మెల్యే చంద్రావతి, ఎఐబిఎస్ఎస్ రాష్ట్ర ప్రధాన కార్యదర్శి బక్షీ నాయక్ ముఖ్య అతిథులుగా పాల్గొని, మాట్లాడుతూ… ప్రభుత్వాలు10 శాతం రిజర్వేషన్ ఉంచాలని, గిరిజనులకు అన్యాయం చేసే కుట్రలకు వ్యతిరేకంగా పోరాడాల్సిన అవసరం ఎంతైనా ఉందని అన్నారు. రిజర్వేషన్ కొనసాగేలా హైకోర్టుకు తగు డైరెక్షన్ ఇచ్చి గిరిజన పక్షపాతి ప్రభుత్వంగా చారిత్రాత్మకంగా ఉండాలని, లేనిపక్షంలో తండాల దాకా గిరిజన జాతులను జాగృతం చేసి దశలవారీ ఆందోళనకు పూనుకుంటామని డిమాండ్ చేశారు. ఈ కార్యక్రమంలో టి ఎస్ టి టి ఎఫ్ వ్యవస్థాపక గౌరవ అధ్యక్షులు ఇస్లావత్ లక్ష్మణ్ నాయక్, టి టి ఎఫ్ జిల్లా వర్కింగ్ ప్రెసిడెంట్ బాలకృష్ణ చౌహాన్, టి.సేవ రాష్ట్ర అధ్యక్షుడు హాతిరాం నాయక్, ఆల్ ఇండియా బంజారా సేవా సంఘం రాష్ట్ర ప్రధాన కార్యదర్శి బస్కి నాయక్, అడ్వకేట్ శ్రీనివాస్, ఎల్ హెచ్ పి ఎస్ జిల్లా అధ్యక్షులు రమేష్, మార్కెట్ కమిటీ చైర్మన్ భూక్యా రాంబాబు, నాగేశ్వరరావు, ఏజెన్సీ పరిరక్షణ కమిటీ వ్యవస్థాపకులు లాల్ సింగ్, ఐక్య తల్లిదండ్రుల సంఘం ఉపాధి కల్పన అన్వేషణ విభాగం చైర్మన్ బాలు, పిఆర్టియు నాయకులు సర్కార్, హరి, రాందాస్, ఎల్.ఎస్.ఓ జిల్లా అధ్యక్షులు మోహన్, మంగీలాల్ నాయక్, నాగేంద్ర తదితరులు పాల్గొన్నారు.
