రోడ్ ప్రమాదంలో యువకుడు మృతి

..

నేటి గదర్,జూన్ 17 (పాలేరు నియోజకవర్గ ప్రతినిధి):

రోడ్ ప్రమాదంలో తీవ్ర గాయాలపాలైన యువకుడు చికిత్స పొందుతూ మృత్యువాత పడ్డాడు. వివరాలు ఇలా ఉన్నాయి.. ఖమ్మం రూరల్ మండలం తెల్దారుపల్లి గ్రామానికి చెందిన మండవ శ్రీనివాస్ (22) ఉదయం సమయంలో కూసుమంచి మండలం జిళ్లచెరువు గ్రామం నుండి సొంత ఊరు తెల్దారుపల్లి ద్వి చక్ర వాహనంపై వెళ్తుండగా ఖమ్మం వైపు వస్తున్న కారు శ్రీనివాస్ ను డీ కొట్టడంతో తీవ్ర గాయాలు అయ్యాయి. చికిత్స కోసం ఖమ్మం తరలించగా చికిత్స పొందుతూ సాయంత్రం 5గంటల కన్నుమూశాడు. మృతుని తండ్రి మండవ సైదులు స్థానిక పోలీస్ స్టేషన్ లో పిర్యాదు చేయగా కేసు నమోదు చేసి దర్యాప్తు చేస్తున్నారు.