★ఎనిమిది గంటల పని విధానం అమలు జరపాలి
★సకాలంలో జీతాలు ఇవ్వకుండా పనిచేపించుకోవడం దుర్మార్గం
★గ్రామపంచాయతీ కార్మికులకు పెండింగ్ లో ఉన్న జీతాలను వెంటనే విడుదల చేయాలి
★ప్రతీ ఆదివారం, ప్రభుత్వ ప్రకటించే పండగ సెలవులను వర్తింపజేయాలి
★ప్రతి నెల నిర్దిష్ట తేదీన జీతాలు వేయాలి
★గ్రామపంచాయతీ కార్మికులను పర్మనెంట్ చేయాలి
★మల్టీపర్పస్ విధానం రద్దు చేయాలి
★అక్రమ తొలగింపులు అరికట్టాలి
★IFTU భద్రాచలం డివిజన్ కార్యదర్శి కొండా చరణ్
నేటి గదర్ న్యూస్,భద్రాద్రి కొత్తగూడెం ప్రతినిధి/చర్ల:
చర్ల మండలంలో IFTU కార్మిక సంఘం ఆధ్వర్యంలో పలు గ్రామపంచాయతీలోని గ్రామ పంచాయితీ కార్మికులను కలవడం జరిగింది. దీనిలో భాగంగానే తేగడ గ్రామపంచాయతీ కార్మికులను కలిసి వారి సమస్యలను అడిగి తెలుసుకోవడం జరిగింది. ఈ సందర్భంగా ఐఎఫ్టియు కార్మిక సంఘం భద్రాచలం డివిజన్ కార్యదర్శి కొండా చరణ్ మాట్లాడుతూ చర్ల మండలంలో అనేక పంచాయతీలోని కార్మికులకు నెలల తరబడి జీతాలు పెండింగ్లో ఉన్నాయని వాటిని వెంటనే విడుదల చేయాలని అన్నారు. జీతాలు ఇవ్వకుండా పనిచేయించుకోవడం సరైన పద్ధతి కాదు అని అన్నారు. జీతాలు ఇవ్వకపోవడం వల్ల కార్మికుల కుటుంబాలు తీవ్ర ఇబ్బందులకు గురవుతున్నాయని ఆవేదన వ్యక్తం చేశారు. సమ్మె కాలకు జీతాలను వెంటనే ఇవ్వాలని, కార్మికుల అక్రమ తొలగింపులు ఆపాలని ఉద్యోగ భద్రత కల్పించాలని ప్రమాదాలు జరిగినప్పుడు 10 లక్షల రూపాయలు ఇవ్వాలని జీవిత బీమా సౌకర్యం కల్పించాలని మల్టీపర్పస్ విధానం రద్దు చేయాలని, ప్రతినెల నిర్దిష్ట సమయంలో జీతాలు అకౌంట్లోకి వేయాలని, హెల్త్ కార్డులు, యూనిఫామ్ లు ,రక్షణ పరికరాలు ఇవ్వాలని ,కార్మికులందరినీ పర్మినెంట్ చేయాలని డిమాండ్ చేశాడు. లేనియెడల కార్మికులందరినీ IFTU ఆధ్వర్యంలో ఐక్యం చేసి ఉద్యమిస్తామని హెచ్చరించారు. ఈ కార్యక్రమంలో తేగడ కార్మికులు రత్నకుమారి, జగదీష్ ,ప్రభాకర్, త్రిమూర్తులు పాల్గొన్నారు.
