నేటి గద్దర్ పాడేరు న్యూస్:
అల్లూరి జిల్లా పాడేరు, జూన్ 27: అల్లూరి సీతా రామరాజు జిల్లా మూడవ కలెక్టర్ గా 2013 ఐఎఎస్ బ్యాచ్ కు చెందిన ఎఎస్ దినేష్ కుమార్ గురువారం పదవీ భాద్యతలు స్వీకరించారు. స్థానిక శ్రీ మోదకొండమ్మ అమ్మవారి పాదాలు వద్ద రంపచోడవరం, ఐటిడిఎ ప్రాజెక్ట్ అధికారి సూరజ్ గనోరే, పాడేరు, రంపచోడవరం సబ్ కలెక్టర్లు ధాత్రి రెడ్డి, ఎస్. ప్రశాంత్ కుమార్, డిఆర్ఓ బి. పద్మావతి, డిపిఆర్ఓ గోవింద రాజులు, స్థానిక తహసిల్దార్ కళ్యాణ చక్రవర్తి నూతన కలెక్టర్ కు ఘన స్వాగతం పలికారు. అనంతరం అమ్మవారి పాదాలకు ప్రత్యెక పూజలు నిర్వహించి, శ్రీ మోదకొండమ్మ దేవాలయానికి చేరుకున్న కలెక్టర్ ను ఆలయ మర్యాదలతో స్వాగతం పలికి ప్రత్యెక పూజలు నిర్వహించి ఆశీర్వాదంతో పాటు ఆలయ కమిటీ సభ్యులు తీర్ధ ప్రసాదాలు, అమ్మవారి చిత్రపటాన్ని బహూకరించారు. పిఎంఆర్సి అతిధి గృహం చేరుకున్న జిల్లా కలెక్టర్ కు సంయుక్త కలెక్టర్ భావన వశిస్ట్, చింతూరు ఐటిడిఎ ప్రాజెక్ట్ అధికారి చైతన్య స్వాగతం పలికారు. అనంతరం 12.10కి కలక్టరేట్ చేరుకున్న కలెక్టర్ అల్లూరి సీతారామరాజు విగ్రహానికి పూలమాల వేసి ఘన నివాళులు అర్పించారు. 12.14 గంటలకు సీటులో ఆశీనులై భాద్యతలు చేపట్టారు. ఈ సందర్భంగా జిల్లా అధికారులు, కలక్టరేట్ సిబ్బంది కలెక్టర్ ను అభినందించారు.
