నేటి గదర్ ,జూన్ 28 (పాలేరు నియోజకవర్గ ప్రతినిధి కొమ్ము ప్రభాకర్ రావు):
తిరుమలాయపాలెం మండలంలో వరుస దొంగతనాలు జరుగుతున్నాయి. గురువారం దారిదోపిడికి పాల్పడిన ఘటన మరవకముందే శుక్రవారం తెల్లవారుజామున పిండిప్రోలు గ్రామంలో నూతనంగా ఏర్పాటైన భారత్ పెట్రోల్ బంకు వద్ద ఆగి ఉన్న లారీ నుండి 340 లీటర్ల ,మరో వాహనం డీసీఎం వాహనంలో 100 లీటర్లు డీజిల్ ను దొంగిలించారు. కారులో వచ్చి దొంగల ముఠా తెల్లవారుజామున మూడున్నర సమయంలో పైపుల ద్వారా డీజిల్ ట్యాంకర్ లో ఉన్న డీజిల్ ని చోరీ చేశారు. అదే బంక్ వద్ద గత రెండు నెలల్లో వివిధ వాహనాల్లో 8సార్లు డీజిల్ చోరీకి గురైనట్లు సమాచారం. చోరీకి పాల్పడ్డ దొంగల కదలికలు సీసీ కెమెరాలు రికార్డు అయ్యాయి.
