నేటి గదర్ ,జూన్ 29 (పాలేరు నియోజకవర్గ ప్రతినిధి):
ప్రమాదవశాత్తు టాక్టర్ అదుపుతప్పి బావిలో పడిపోవడంతో దంపతులకు తీవ్ర గాయాలైనాయి. నేలకొండపల్లి మండలం భైరవునిపల్లి గ్రామానికి చెందిన రైతు రవి ,మాధవి దంపతులు తమ వ్యవసాయ బావిలో విద్యుత్ మోటార్ ను ట్రాక్టర్ కు కట్టి బయటకి లాగుతుండగా ప్రమాదవశాత్తూ బావిలో పడింది. ట్రాక్టర్ తో పాటు దంపతులిద్దరూ కూడా ఒక్కసారిగా బావిలో పడ్డారు. బావిలో పడ్డ దంపతులు కేకలు వేయడంతో చుట్టుపక్కల వారు అక్కడకు చేరుకుని వారిని బయటకి తీశారు. ఘటనలో భర్త క్షేమంగా బయటపడగా భార్యకు తీవ్ర గాయాలైయ్యాయి.
