నేటి గదర్ న్యూస్ ,జూన్ 29 (పాలేరు నియోజకవర్గ ప్రతినిధి కొమ్ము ప్రభాకర్ రావు):
సేవాలాల్ సేన కూసుమంచి మండల కమిటీ ఎన్నికలు శనివారం సేవాలాల్ సేన జిల్లా కన్వీనర్ బానోత్ శ్రీకాంత్ అధ్యక్షతన స్థానిక బివి రెడ్డి ఫంక్షన్ హాల్ లో జరిగాయి. ఈ కార్యక్రమంలో ముఖ్య అతిథిగా సేవలాల్ సేన రాష్ట్ర కో కన్వీనర్ భారత్ కిషన్ నాయక్ హాజరయ్యారు. ఈ సందర్భంగా ఆయన మాట్లాడుతూ ..జి ఓ నెంబర్ 33, జీవో నెంబర్ 3 పరిరక్షణ కోసం జరిగే పోరాటంలో భాగంగా సెప్టెంబర్ లో జరగనున్న చలో హైదరాబాద్ రాష్ట్ర సదస్సుకు ప్రతి ఒక్కరూ భాగస్వాములు కావాలని పిలుపునిచ్చారు. జులై మొదటి వారంలో ఖమ్మం జిల్లా లో జరిగే సదస్సుకు జిల్లాలోని అన్ని మండలాల కు సంబంధించిన విద్యార్థి, కార్మిక కర్షక, మహిళా, సంఘాలు నూతన కమిటీలను ప్రకటించుకోవాలన్నారు. అందులో భాగంగా కూసుమంచి మండల నూతన కమిటీనీ ఎన్నుకున్నారు. కూసుమంచి మండల అధ్యక్షుడు గా వడ్త్యా బాలకృష్ణ , విద్యార్థి యువసేన మహేందర్ నాయక్, యువజన అధ్యక్షులుగా గుగులోతు మహేష్ నాయక్, రైతు సంఘం అధ్యక్షుడుగా శోభన్ బాబు నాయక్, సేవాలాల్ సేన సోషల్ మీడియా అధ్యక్షులుగా భుక్య రాజేష్, మహిళా అధ్యక్షులు వడ్త్యా విజయ,గౌర సలహాదారులు కిషన్ నాయక్ లను ఎన్నుకున్నారు. ఈ కార్యక్రమంలో సేవాలాల్ సేన విద్యార్థి సంఘం కన్వీనర్ చందు నాయక్, వైరా డివిజన్ కన్వీనర్ బానోతు బిచ్చు నాయక్, జిల్లా కో కన్వీనర్ లు నెహ్రూ నాయక్, ధరావత్ రామ్మూర్తి నాయక్, గూగుల్ రాజ్ కుమార్ నాయక్, ముఖ్య భద్రు నాయక్ తదితరులు పాల్గొన్నారు.
