★దొడ్డి కొమరయ్య వర్ధంతి సదస్సును జయప్రదం చేయండి
★సిపిఐ(ఎంఎల్)న్యూడెమోక్రసీ రాష్ట్ర సెక్రటేరియట్ సభ్యులు…ఆవునూరి మధు
నేటి గదర్ న్యూస్ ,జూన్ 29 (పాలేరు నియోజకవర్గ ప్రతినిధి కొమ్ము ప్రభాకర్ రావు):
తెలంగాణ రైతాంగ సాయుధ పోరాటంలో దొరలను, భూస్వాములను గడగడలాడించి ప్రజల కోసం ప్రతిఘటన పోరాటంలో అసువులు బాసిన తొలి అమరవీరుడు కామ్రేడ్ దొడ్డి కొమరయ్య 78వ వర్ధంతి సదస్సును జయప్రదం చేయాలని సిపిఐ(ఎంఎల్)న్యూడెమోక్రసీ రాష్ట్ర కార్యదర్శివర్గ సభ్యులు ఆవునూరి మధు పిలుపిచ్చారు… కూసుమంచి మండలం కేంద్రంలో జరిగిన పాలేరు డివిజన్ ముఖ్య కార్యకర్తల సమావేశంలో ఆయన పాల్గొని మాట్లాడారు. నాటి తెలంగాణ రైతాంగ సాయుధ పోరాట స్ఫూర్తితో నేడు దేశంలో పెట్రేగిపోతున్న పాసిజానికి వ్యతిరేకంగా, హిందూ మతోన్మాదానికి వ్యతిరేకంగా పోరాడాల్సిన అవసరం ఎంతైనా ఉందన్నారు. నాటి నుండి నేటి వరకు దున్నేవారికి భూమి దక్కకుండా భూస్వాములు రూపం మార్చుకొని వేలాది ఎకరాలను తమ కబంద హస్తాలలో పెట్టుకున్నారన్నారు. కారిడార్ ల పేరుతో, సెజ్ ల పేరుతో, పరిశ్రమల పేరుతో వేలాది ఎకరాల ప్రభుత్వ భూములను దోచుకు తింటున్నారన్నారు. ఆదివాసీలను, గిరిజనులను, పేద ప్రజలను అణసివేసే కుట్టలు రోజురోజుకు పెరిగిపోతున్నాయన్నారు. ప్రజలకు కావాల్సిన చట్టాలను చేయకుండా భారత రాజ్యాంగాన్ని మార్చివేసే దుర్మార్గమైన విధానాలను ప్రభుత్వాలు పాలకులు తీసుకొస్తున్నారు. నాటి తెలంగాణ రైతాంగ సాయుధ పోరాట స్ఫూర్తితో దొడ్డి కొమరయ్య లాంటి త్యాగాలను నెమరు వేసుకుంటూ మరో స్వతంత్ర పోరాటానికి ప్రతిఘటన పోరాట సిద్ధాంత వెలుగులో తిరుగుబాటుకు సిద్ధం కావాలని ప్రజలకు పిలుపునిచ్చారు. ఈ కార్యక్రమంలో సిపిఐ(ఎంఎల్)న్యూడెమోక్రసీ ఖమ్మం జిల్లా కార్యదర్శి మందుల రాజేంద్రప్రసాద్, పాలేరు డివిజన్ కార్యదర్శి బజ్జూరు వెంకటరామిరెడ్డి, ఖమ్మం డివిజన్ కార్యదర్శి కోలా లక్ష్మీనారాయణ, డివిజన్ నాయకులు ఐ వెంకన్న, గొర్రెపాటి రమేష్, శీలం సుదర్శన్, మాతంగి రామస్వామి, చెరుకుపల్లి వీరయ్య, వెంకటేశ్వర్లు, ఉప్పలయ్య, ఎస్కే రహీం, గొర్రెపాటి వీరస్వామి,శ్రీకాంత్, పోలేపొంగు నాగయ్య, భత్తుల ఉప్పలయ్య, ఉమాశంకర్, నరసింహ, పోకల వెంకన్న , చారీ, నాగరాజు తదితరులు పాల్గొన్నారు.
