★నాణ్యమైన విద్య, వైద్యం అందించేందుకు ప్రభుత్వం కృషి
★ వసతుల కల్పనలో రాజీ ఉండొద్దు.
★ విద్యార్థుల భవిష్యత్తును తీర్చిదిద్దే బాధ్యత అందరిపై ఉందని వ్యాఖ్య.
★నాణ్యమైన ఆహారం అందించాలి
★పినపాక ఎమ్మెల్యే పాయం
నేటి గదర్ న్యూస్,పినపాక:
పినపాక మండలంలోని ఎల్చిరెడ్డిపల్లి కస్తూర్భా , బాలికల ఆశ్రమ పాఠశాలలను పినపాక శాసన సభ్యులు పాయం వెంకటేశ్వర్లు సోమవారం సందర్శించారు. ఈ సందర్భంగా విద్యార్థులకు దుప్పట్లు ప్లేట్లు గ్లాసులు పంపిణీ చేశారు. అనంతరం ఎమ్మెల్యే పాయం వెంకటేశ్వర్లు మాట్లాడారు. విద్య వైద్యం అందించేందుకు ప్రభుత్వం కృషి చేస్తోందని, వసతుల ఏర్పాట్ల లో రాజీ పడేది లేదని , ఇబ్బందులు ఉంటే నేరుగా తన దృష్టికి తీసుకురావాలని సూచించారు. విద్యార్ధులకు ఉజ్వల భవిష్యత్తు అందించాల్సిన గురుతర బాధ్యత అందరిపై ఉందని అన్నారు. ఈ సందర్భంగా పాఠశాలలో విద్యార్థుల కోసం తయారు చేసిన ఆహారాన్ని పరిశీలించారు. విద్యార్థులకు నాణ్యమైన భోజనం అందుతోందా అని విద్యార్థులను అడిగి తెలుసుకున్నారు. విద్యార్థులకు సరిపడా నాణ్యమైన భోజనం పెట్టాలని హెచ్ ఎం ని ఆదేశించారు. అనంతరం పాఠశాలలోని భోజనశాల, విద్యార్థుల వసతి గదులను పరిశీలించి, గదుల్లో ప్యాన్ లు, లైట్ లు పనిచేయకపోవడంతో వెంటనే రిపేర్ చేయించాలని అధికారులను ఆదేశించారు. అనంతరం ఎల్చిరెడ్డిపల్లి
గిరిజన బాలికల ఆశ్రమ పాఠశాలను ఎమ్మెల్యే పాయం ఆకస్మికంగా తనిఖీ చేశారు. ఈ సందర్భంగా పాఠశాలలో విద్యార్థుల కోసం తయారు చేసిన ఆహారాన్ని పరిశీలించారు. మొత్తం ఎంతమంది విద్యార్థులకు భోజనం తయారు చేశారో అడిగి తెలుసుకున్నారు. విద్యార్థులకు సరిపడా నాణ్యమైన భోజనం పెట్టాలని హెచ్ ఎం ని ఆదేశించారు. అనంతరం పాఠశాలలోని భోజనశాల, విద్యార్థుల వసతి గదులను పరిశీలించి, గదుల్లో ప్యాన్ లు, లైట్ లు పనిచేయకపోవడంతో వెంటనే రిపేర్ చేయించాలని అధికారులు సూచించారు. ఈ సందర్భంగా ఆయన మాట్లాడుతూ సీఎం రేవంత్ రెడ్డి నేతృత్వంలో ప్రజా ప్రభుత్వం విద్యకు అధిక ప్రాధాన్యత ను ఇస్తోందని, పేదరికం కారణంగా ఎవరూ విద్య కు దూరం కాకూడదని సూచించారు. వానా కాలం సీజనల్ వ్యాధుల పట్ల అప్రమత్తంగా ఉండాలని, ప్రతి వారం పాఠశాలల్లో ఆరోగ్య శిబిరాలు ఏర్పాటు చేసి, విద్యార్ధుల ఆరోగ్యాన్ని కాపాడాలని సూచించారు. వసతుల కల్పనలో ఇబ్బందులు ఉంటే తన దృష్టికి తీసుకురావాలని , పాఠశాలలు, హాస్టల్ ప్రాంగణాలు, పరిసరాలు పరిశుభ్రంగా ఉంచుకోవాలని, నిర్లక్ష్యం వహిస్తే చర్యలు తప్పవన్నారు. అనంతరం పాఠశాలల అవరణలో ఎమ్మెల్యే మొక్కలు నాటారు. నాటిన మొక్కలను కాపాడేందుకు తగు చర్యలు తీసుకోవాలన్నారు. కార్యక్రమంలో డీ సీ డీ ఓ అన్నమణి, ఎంపిడిఓ రామకృష్ణ, ఎంపీఓ కే. వేంకటేశ్వరరావు, ఎం ఈ ఓ వీరాస్వామి, ఆర్ డబ్ల్యు ఎస్ ఏ ఈ విజయ్ కృష్ణ, కస్తూర్బా పాఠశాల యస్ ఓ స్రవంతి , తదితరుల పాల్గొన్నారు.
