విద్యాశాఖ పై సిఎం సమీక్ష ఏది…? విద్యార్థుల చేత పని ఏంది….?.

– విద్యార్థులు తల్లిదండ్రులు

మహబూబ్ నగర్ జిల్లా పర్యటనలో భాగంగా విద్య శాఖ అభివృద్దిపై జిల్లా కలెక్టర్ కార్యాలయంలో సిఎం రేవంత్ రెడ్డి సమీక్ష సమావేశం నిర్వహిస్తున్న సమయం లోనే మహబూబ్ నగర్ జిల్లా భూత్పూర్ మండలం కొత్త మొల్గర గ్రామంలోని ప్రభుత్వ ఉన్నత పాఠశాల హెడ్మాస్టర్ రంగయ్య విద్యార్థుల చేత ప్రమాదకరంగా పాఠశాల గేటు మరమ్మత్తు పనులను ముందుండి చేయించడం పట్ల పలు ఆరోపణలు ఎదుర్కొంటున్నారు.

అమ్మ ఆదర్శ కమిటీలు కనబడవా…..?

రాష్ట్ర ప్రభుత్వం అమ్మ ఆదర్శ కమిటీల ద్వారా ఈ పాఠశాల మరమ్మత్తులకు రూ.8.65 లక్షలను కేటాయించగా ఎన్ఆర్ఈజీఎస్ పథకం కింద మరో రూ.3.50 లక్షల నిధులను కేటాయించి పనులను చేపట్టింది. కాగా ప్రభుత్వo ఉన్నత లక్ష్యంతో ముందుకు నడుస్తుంటే కొందరు ఉపాధ్యాయుల తీరు మాత్రం మారడం లేదు. ఇప్పటికైనా విద్యార్థుల చేత పనులు చేయించడం మానుకోవాలని గ్రామస్తులు కోరుతున్నారు. ఇదిలా ఉండగా విద్యార్థులు గేటు మరమ్మత్తు పనులు చేస్తుండగా ఆ పాఠశాల పక్కనే ఉన్న గ్రామ పంచాయతీ కార్యాలయంలో గ్రామ పర్యటనకు వచ్చిన ఎంపీడీవో ఉండడం కొసమెరుపు.