నేటి గదర్, జూలై 12,
భద్రాద్రి కొత్తగూడెం జిల్లా ప్రతినిధి,
అలవాల వంశీ, 9052354516 :
తెలంగాణ రాష్ట్ర వ్యవసాయ శాఖ జాయింట్ సెక్రెటరీ, కేంద్ర ప్రబారి అధికారి డాక్టర్. యోగితారాణా కుటుంబ సభ్యులతో కలిసి భద్రాచలంలోని శ్రీ సీతారామచంద్ర స్వామి వారిని దర్శించుకున్నారు. శుక్రవారం నాడు స్వామి వారి దర్శనానికి వచ్చిన యోగితా రాణా కుటుంబ సభ్యులకు దేవస్థానం దేవస్థానం ఈవో రమాదేవి, అర్చక స్వాములు మేళతాళాలతో ఘనంగా స్వాగతం పలికారు. ముందుగా బలపీఠం వద్ద పూజలు జరిపిన అనంతరం గర్భగుడిలో ప్రత్యేక పూజలు జరిపారు. అనంతరం శ్రీ లక్ష్మీ తాయారు అమ్మ వారిని, శ్రీ ఆంజనేయ స్వామి వారిని దర్శించుకున్నారు. అనంతరం అర్చక స్వాములు స్వామివారి విశిష్టతను తెలిపి, స్వామి వారి పట్టు వస్త్రాలు, తీర్థ ప్రసాదాలు అందించి ఆశీర్వచనాలు పలికారు. ఈ కార్యక్రమంలో భద్రాచలం తాసిల్దార్ శ్రీనివాసరావు, ఆర్ఐ నరసింహారావు, డిఈ రవీందర్ రావు, పర్యవేక్షకులు సాయిబాబా, అర్చక స్వాములు తదితరులు పాల్గొన్నారు.
