కేంద్ర ప్రభుత్వం బయ్యారంలో ఉక్కు పరిశ్రమ ఏర్పాటు చేసే విధంగా చర్యలు చేపట్టాలి.

గిరిజన చట్టాలను కాపాడే బాధ్యత జాతీయ గిరిజన కమిషన్ దే. నేటి గదర్ న్యూ, ఖమ్మం ప్రతినిధి,✍️సతీష్ కుమార్ జినుగు :
అటవీ నియమాల చట్టం రద్దు చేయించాలి.
గిరిజన సంఘం కృషి వల్లన కారేపల్లి కి 108 వాహనం ఏర్పాటు కు హామీ ఇచ్చిన కలెక్టర్.
జాతీయ గిరిజన కమిషన్ సభ్యులు జాటోద్ హుస్సేన్ నాయక్ ఏర్పాటుచేసిన అధికారిక సమావేశంలో సమస్యలు వివరించిన తెలంగాణ గిరిజన సంఘం జిల్లా ప్రధాన కార్యదర్శి భూక్యా వీరభద్రం. వినతిపత్రం అందించిన గిరిజన సంఘం నేతలు.
ఆశ్రమ పాఠశాల సమస్యలపై గిరిజన సంఘం చేసిన సర్వే గుర్తించిన సమస్యలు పై స్పందించి జాతీయ గిరిజన కమిషన్ సభ్యులు హుటా హుటీన గొల్లగూడెం బాలికల ఆశ్రమ పాఠశాలను గిరిజన సంఘం నేతలతో కలిసి పరిశీలించిన జాటోత్ హుస్సేన్ నాయక్.

దేశంలో గిరిజన హక్కులకు భంగం కలగకుండా ప్రభుత్వాలు నిర్ణయాలు తీసుకోవాలని గిరిజన చట్టాలను కాపాడే విధంగా జాతీయ గిరిజన కమిషన్ కృషి చేయాలని తెలంగాణ గిరిజన సంఘం ఖమ్మం జిల్లా ప్రధాన కార్యదర్శి భూక్యా వీరభద్రం విజ్ఞప్తి చేశారు. శుక్రవారం కలెక్టరేట్ లో జరిగిన జాతీయ గిరిజన కమిషన్ సభ్యులు జాటోత్ హుస్సేన్ నాయక్ అధికారికంగా ప్రభుత్వ అధికారుల సమావేశం నిర్వహించారు, గిరిజన సమస్యలపై వివిధ శాఖలతో సమీక్ష నిర్వహించారు, ఈ సందర్భంగా గిరిజన సమస్యలపై భూక్యా వీరభద్రం అనేక అంశాలు కమిషన్ సభ్యుల దృష్టికి తీసుకొచ్చారు, పోడు భూముల సమస్య పరిష్కరించాలని విజ్ఞప్తి చేశారు, ఆశ్రమ పాఠశాలలో ఉన్న సమస్యను పరిష్కారానికి కేంద్ర ప్రభుత్వం కృషి చేయాలని, కోరారు, అటవీ నియమాల చట్టంతో గిరిజన చట్టాలకు భంగం కలిగే ప్రమాదం ఉందని వెంటనే అటవీ నియమాలు చట్టాన్ని రద్దు చేసే విధంగా జాతీయ గిరిజన కమిషన్ కృషి చేయాలని అన్నారు, రాష్ట్రాల విభజన సందర్భంగా కేంద్ర ప్రభుత్వం చేసిన విభజన చట్టంలో బయ్యారం హక్కు పరిశ్రమ ఏర్పాటు చేస్తామని హామీ ఇచ్చి ఇప్పటివరకు అమలు చేయలేదని, ఇప్పటికైనా ఉక్కు పరిశ్రమ ఏర్పాటుకు చర్యలు చేపట్టి ఏజెన్సీ ప్రాంత గిరిజన బిడ్డలకు ఉద్యోగ ఉపాధి అవకాశాలు కల్పించాలని ,అలాంటి కృషి చేయాలని కోరారు, బెస్ట్ అవైలబుల్ పథకం కింద ప్రైవేట్ స్కూలుకు కేటాయించే సీట్ల సంఖ్యను పెంచాలని స్కాలర్షిప్ పెంచే విధంగా చర్యలు తీసుకోవాలని కోరారు. గ్రామ పంచాయతీలో పెండింగ్ లో ఉన్న బిల్లులు విడుదల చేయాలని గిరిజన సంఘం జిల్లా నాయకులు ఉసిరికాయలపల్లి మాజీ సర్పంచ్ భానోత్ బన్సీలాల్ కమిషన్ సభ్యుల దృష్టికి తీసుకొచ్చారు, వివిధ అంశాలపై
మాట్లాడారు. గిరిజన సంఘం లేవనెత్తిన అనేక అంశాలపై జిల్లా కలెక్టర్ ముజమీల్ ఖాన్, అటవీశాఖ అధికారులతో మాట్లాడించారు, కారేపల్లి ప్రాథమిక వైద్యశాలకు గిరిజన సంఘ విజ్ఞప్తి మేరకు 108 మంజూరి చేశారు, వినతి పత్రం ఇచ్చిన వారిలో గిరిజన సంఘం జిల్లా సహాయ కార్యదర్శి భూక్యా కృష్ణ నాయక్, ధరావత్ నంద్యా నాయక్, జిల్లా శాఖ అధికారులు పాల్గొన్నారు.