భద్రాచలం బ్రిడ్జి పై లారీలో వ్యాపించిన మంటలు

– పరిస్థితిని అదుపులోకి తీసుకువచ్చిన అధికారులు

నేటి గదర్, ఆగస్టు 23,
భద్రాద్రి కొత్తగూడెం జిల్లా బ్యూరో,

భద్రాచలం పాత బ్రిడ్జిపై లారీ దగ్ధమైన సంఘటన శుక్రవారం రాత్రి చోటుచేసుకుంది. భద్రాచలం వైపు నుండి సారపాక వైపుకు వెళుతున్న ఒక లారీలో మంటలు వ్యాపించడంతో లారీ బ్రిడ్జిపై నిలిచిపోయినట్లు సమాచారం. విషయం తెలుసుకున్న అగ్నిమాపక అధికారులతో పాటు, పోలీసు అధికారులు ఫటాహుటిన సంఘటన స్థలానికి చేరుకుని పరిస్థితిని అదుపు చేసే విధంగా ప్రయత్నాలు చేశారు. పరిస్థితి అదుపులోకి వచ్చేంతవరకు పాత బ్రిడ్జి పైన వాహనాల రాకపోకలను అధికారులు నిలిపివేశారు. ప్రయాణికులకు ఇబ్బంది లేకుండా రాకపోకలను కొత్త బ్రిడ్జి పైకి మళ్ళించారు. సంఘటనకు సంబంధించిన పూర్తి వివరాలు తెలియాల్సి ఉంది.