భూ సమస్యలుంటే ప్రజలు ప్రజావాణిలో దరఖాస్తు చేయాలి తహసిల్దార్ రజనీకుమారి

రామాయంపేట (నేటి గదర్ ప్రతినిధి) సెప్టెంబర్ 19:- మెదక్ జిల్లా రామాయంపేట మండల పరిధిలోని అన్ని గ్రామాల ప్రజలు భూ సమస్యల పరిష్కారానికై ప్రజావాణిలో ఫిర్యాదు చేయాలని గురువారం రోజు మండల తహసిల్దార్ రజనీకుమారి తెలిపారు.రామాయంపేట మండలంలోని అన్ని గ్రామాలకు చెందిన ప్రజలు నేరుగా మీయొక్క భూసమస్యల పరిష్కారానికై సంబంధిత పత్రములతో సోమవారం నాడు ధరఖాస్తులను అందజేయవచ్చని ఆమె పేర్కొన్నారు.ప్రతి సోమవారం రోజున తహశీల్దార్ కార్యాలయములో నిర్వహించే
ప్రజావాణి కార్యక్రమంలో మీ భూ సమస్యలను తదితర సమస్యలు ఏవైనా ఉంటే పరిష్కరించుకోవచ్చని ఆమె వెల్లడించారు.ఇట్టి విషయమై మెదక్ కలెక్టర్ కార్యాలయము వరకు వెళ్ళవలసిన అవసరం లేదని,ప్రజలు అటు బస్సు చార్జీలను పెట్టుకొని డబ్బును ఖర్చు చేసుకొని సమయాన్ని వృధా చేసుకోకూడదని ఆమె ప్రజలకు తెలియపరచారు.