నేటి గదర్ న్యూస్ నవంబర్ 17:వైరా ప్రతినిధి.
వైరా :దేశంలో రోజురోజుకీ పెరిగిపోతున్నా నిరుద్యోగ సమస్య మరియు గిరిజన ఉద్యోగులు ఏదురుక్కుంటున్నా సమస్యల పై ఆదివాసీ అధికార్ రాష్ట్రియ మంచ్(ఏ ఏ ఆర్ యం) ఆధ్వర్యంలో జాతీయ స్థాయి సదస్సు డిసెంబర్ 1న జరుగుతుందని, జాతీయ కమిటీ సభ్యులు తెలంగాణ గిరిజన సంఘం జిల్లా ప్రధాన కార్యదర్శి భూక్యా వీరభద్రం తెలిపారు.దేశంలో కేంద్ర బిజెపి ప్రభుత్వం అధికారంలో వచ్చిన తర్వాత కోట్ల సంఖ్యలో నిరుద్యోగం పెరిగిందని ఆయన తెలిపారు. దేశంలో గిరిజన ఉద్యోగస్తులకు ప్రమోషన్లు ఇవ్వకుండా కేంద్ర ప్రభుత్వం వివక్షతకు గురి చేస్తుందని విమర్శించారు. ఢిల్లీలో జరుగు సదస్సుకు జిల్లా, రాష్ట్రానికి చెందిన నిరుద్యోగులు, వివిధ రంగాల్లో పనిచేస్తున్న ఉద్యోగస్తులు అధిక సంఖ్యలో పాల్గొని విజయవంతం చేయాలని భూక్యా వీరభద్రం కోరారు.
