సింగరేణి కి మా భూముల కావాలి.కానీ మా జీవితాలలో పని లేదా?

*సింగరేణి భూసేకరణ – భూములు తీసుకోవాలి కానీ ఉద్యోగాలు ఇవ్వకూడదా?*

*రైతుల హక్కుల కోసం పోరాడుదాం*

మణుగూరు తహసీల్దార్ కార్యాలయంలో భూసేకరణపై ప్రజాభిప్రాయ సేకరణ సమావేశం నిర్వహించబడింది. ఈ సమావేశానికి *భూసేకరణ అధికారి & స్పెషల్ డిప్యూటీ కలెక్టర్ సుమ మేడం గారు,* *సింగరేణి అధికారులు,* ప్రభుత్వ ఉన్నతాధికారులు, భూసేకరణ బాధిత రైతులు హాజరయ్యారు.

రామానుజవరం, తీరలాపురం, మణుగూరు గ్రామాల భూములు సింగరేణి సంస్థకు ప్రభుత్వం అప్పగించాలని యోచిస్తున్న నేపథ్యంలో, భూమిని కోల్పోతున్న రైతులు తమ హక్కుల కోసం గళమెత్తారు.

ఈ సమావేశంలో తీరలాపురం *మాజీ సర్పంచ్ పాయం కామరాజు గారు*, *రామానుజవరం మాజీ సర్పంచ్ బాడీష సతీష్ గారు* రైతుల తరఫున గట్టిగా నిలబడి, న్యాయం కోసం డిమాండ్ చేశారు.

*రైతుల స్పష్టమైన డిమాండ్లు:-*

✔ భూమిని కోల్పోయే ప్రతీ కుటుంబానికి సింగరేణి సంస్థలో ప్రభుత్వ ఉద్యోగ హామీ ఇవ్వాలి!
✔ గిరిజనులకు, గిరిజనేతరులకు సమానంగా ఉద్యోగాలు కల్పించాలి!
✔ 2003 భూసేకరణ చట్టం & PESA చట్టం ప్రకారం గిరిజనులకు ప్రత్యేక రిజర్వేషన్ అమలు చేయాలి!
✔ భూమి మాత్రమే తీసుకుని రైతులను నిరుపేదలుగా మిగల్చిపెట్టడం న్యాయమా? కనీసం ఎకరాకు ₹40 లక్షల పరిహారం అందించాలి!
✔ రైతుల భవిష్యత్తును ధ్వంసం చేసే ఎటువంటి ఒప్పందాలనూ అంగీకరించబోము!
✔ రైతుల పిల్లల భవిష్యత్తు కోసమే మా భూములు? అయితే వారికి ఉచితంగా విద్య, స్కాలర్‌షిప్‌లు, ఉద్యోగాల్లో రిజర్వేషన్ కల్పించాలి!
✔ ప్రభుత్వం మా భూమిని తీసుకోవాలంటే గ్రామ అభివృద్ధికి ప్రత్యేక నిధులు కేటాయించాలి!

*అధికారుల హామీ – కానీ రైతులలో పెరుగుతున్న అసంతృప్తి*

భూసేకరణ అధికారి సుమ మేడం గారు భూసేకరణ బాధితుల డిమాండ్లను పరిశీలిస్తున్నామని, అధికారులతో చర్చించి నిర్ణయం తీసుకుంటామని తెలిపారు.

అయితే, అధికారుల హామీ రైతులకు స్పష్టమైన భరోసా కల్పించలేదు!
ఉద్యోగాల విషయంలో గందరగోళంగా మాట్లాడడం, పరిహారం పరిమితంగా ఉండటం రైతులలో తీవ్ర అసంతృప్తి కలిగించింది!

*తీరలాపురం మాజీ సర్పంచ్ పాయం కామరాజు గారి ఘాటైన హెచ్చరిక*

➡ “రైతులు తమ భూములను కోల్పోతున్నారు. భూమి పోయిన తర్వాత కుటుంబాల భవిష్యత్తు ఏమవుతుంది?
➡ “భూమి పోతే ఉద్యోగ భరోసా ఉండాలి! గిరిజనులకు, గిరిజనేతరులకు సమానంగా ఉద్యోగాలు ఇవ్వాలి!”
➡ “అధికారుల హామీలతో మాకు పనిలేదు, గట్టి చర్యలు కావాలి!”
➡ “ప్రభుత్వం తక్షణమే స్పష్టమైన ప్రకటన చేయకపోతే, రైతులందరం ఉద్యమానికి సిద్ధం!”

*రామానుజవరం మాజీ సర్పంచ్ బాడీష సతీష్ గారి గట్టి మాటలు*

➡ “భూమి ఇచ్చిన రైతుల కుటుంబాలు రోడ్డున పడితే, ఈ భూసేకరణ ఒప్పందం ఆమోదయోగ్యమా?”
➡ “ఉద్యోగాలు, సరైన పరిహారం లేకుండా మా భూములను లాక్కోవాలని చూస్తే, దీని తీవ్ర పరిణామాలను ప్రభుత్వం ఎదుర్కోవాల్సి వస్తుంది!”
➡ “2003 చట్టం & PESA చట్టం ప్రకారం మా హక్కులు మాకు ఇవ్వకపోతే, మేము పోరాటానికి సిద్ధం!”

*రైతుల ఉద్యమం తప్పదు! – ఒక్కరైతు కూడా వెనక్కి తగ్గొద్దు*

*✅ అధికారుల తేలికపాటి హామీలతో మోసపోవద్దు*
*✅ ఉద్యోగం లేకుండా భూమిని అప్పగించొద్దు*
*✅ ప్రభుత్వం & అధికారులు తక్షణమే రైతుల డిమాండ్లను తీర్చాలి*
*✅ రైతులు ఏకతాటిపై నిలబడి, పోరాటం కొనసాగించాలి*

—

*”భూమిని తీసుకుంటే – భవిష్యత్తు కూడా భద్రం కావాలి”*

👉 తీరలాపురం మాజీ సర్పంచ్ *పాయం కామరాజు గారు,* రామానుజవరం మాజీ సర్పంచ్ *బాడీష సతీష్ గారు* రైతులకు న్యాయం జరిగే వరకు వెనక్కి తగ్గబోమని స్పష్టం చేశారు!

*👉 ఈ పోరాటం రైతుల భవిష్యత్తును నిర్ణయించే ఒక మైలురాయి! ప్రతి రైతు సంఘటితంగా నిలబడాలి – పోరాటం కొనసాగించాలి*…. *మీ రామానుజవరం మాజీ సర్పంచ్ తెలంగాణ గిరిజన సమాఖ్య జిల్లా ఉపాధ్యక్షులు బాడీష. సతీష్*