– ఓటర్లకు ఎటువంటి ఇబ్బందులు లేకుండా ఏర్పాట్లు పూర్తి చేశాం
– జిల్లా కలెక్టర్ ప్రియాంక అలా
నేటి గద్దర్, మే 13, భద్రాద్రి కొత్తగూడెం :
కొత్తగూడెం జిల్లాలో మధ్యాహ్నం 1 గంట వరకు 49.31% ఓటింగ్ పోలైనట్లు కొత్తగూడెం జిల్లా కలెక్టర్ ప్రియాంక అలా ఒక ప్రకటనలో తెలిపారు. సోమవారం భద్రాద్రి కొత్తగూడెం జిల్లాలో 1:00 గంటలకు 49.31 శాతం పోలింగ్ నమోదైనట్లు మెహబూబాబాద్ పార్లమెంటు పరిధిలో పినపాక 49.82%, భద్రాచలం 49.54%,ఇల్లందు 47.58%, ఖమ్మం పార్లమెంటు పరిధిలో కొత్తగూడెం 47.60%, అశ్వరావుపేట 53.63% నమోదు అయినట్లు జిల్లా ఎన్నికల అధికారి, జిల్లా కలెక్టర్ ప్రియాంక అల తెలిపారు. ఓటర్లు ఓటు హక్కు వినియోగానికి పెద్ద ఎత్తున పోలింగ్ కేంద్రాలకు తరలివస్తున్నారని, ఓటు హక్కు వినియోగానికి ఎలాంటి ఇబ్బందులు లేకుండా అన్ని సౌకర్యాలు కల్పించినట్లు చెప్పారు.
